အင်တာနက်ပေါ်မှ အရည်အသွေးမြင့် ပညာဒါန
သင်ကမ္ဘာ့တက္ကသိုလ်ကြီးတွေမှာပညာသင်ခွင့်ရသူတွေကို အားကျဖူးပါသလား။ ကမ္ဘာ့အဆင့်မီပညာရေးကို လက်လှမ်းမီဖို့ စိတ်ကူးယဉ်ကြည့်ဖူးပါသလား။အမေရိကန်နိုင်ငံလို နိုင်ငံကြီးတွေကနာမည်ကြီး တက္ကသိုလ်တစ်ခုခုမှာ အတန်းလေးတစ်ခုလောက်ကိုတစ်ချိန်လေးပဲဖြစ်ဖြစ် တက်ကြည့်ချင်လိုက်တာလို့ တောင့်တမိဖူးပါသလား။
သင်ကအတန်းပညာလည်းနည်းမယ်၊ အင်္ဂလိပ်စာလည်းမကျွမ်းလှသူဖြစ်မယ်၊ အရွယ်ကလည်းလွန်နေ ပြီဆိုတဲ့အနေအထားမျိုးရောက်နေပြီဆိုရင် အဲဒါတွေကိုစိတ်ကူးမိတောင်မှ လက်လှမ်းမမီနိုင်တော့ဘူးလို့ထင်မိကောင်းထင်မိ ပါမယ်။
ဒါပေမဲ့အဲဒီအထင်ကမှားပါတယ်။ သင်အမှန်တကယ်လိုချင်ရင်လက်လှမ်းမီသင်ယူနိုင်တဲ့ အနေအထား ကိုရောက်အောင် ကူညီမယ့်အရာတစ်ခုရှိနေပြီဖြစ်ပါတယ်။အဲဒါကကိုဆာရာ(Coursera)လို့ခေါ်တဲ့ အင်တာနက်ပေါ်က ပညာဒါနစာမျက်နှာလေး ဖြစ်ပါတယ်။
အင်တာနက်ပေါ်မှာ သင်ယူလို့ရတဲ့အခြားပညာဒါနစာမျက်နှာတွေရှိပေမယ့်သူတို့နဲ့ကိုဆာရာမှာအဓိက ကွာခြား ချက်နှစ်ခုရှိပါတယ်။ တစ်ခုကမြန်မာနိုင်ငံက အင်တာနက်နှုန်းနဲ့ကိုက်ညီနိုင်တဲ့အနေအထားမှာရှိခြင်းပါ။ နောက်တစ်ခုက သင်ယူရလွယ်ကူတဲ့ပုံစံနဲ့ပို့ချခြင်းဖြစ်ပါတယ်။ စမတ်ဖုန်းရှိရင်ကိုဆာရာအပလီကေးရှင်းကို ဂူဂယ်လ်ပလေးစတိုးကနေ အခမဲ့ရယူလို့ရပါတယ်။ အိုင်ဖုန်းဆိုရင်တော့အပ်ပဲလ်စတိုးကနေအခမဲ့ယူလို့ရပါတယ်။ အဲဒီအပလီကေးရှင်းကနေ မိမိအီးမေးလ်နဲ့အကောင့်ဖွင့်ပြီးအင်တာနက်ရှိချိန်မှာမိမိသင်ယူလိုတဲ့အတန်းက ဗွီဒီယိုတွေကိုဖြည်းဖြည်းချင်း ဒေါင်းလုပ် လုပ်ထားပြီး အချိန်မရွေးပြန်ကြည့်လို့ရပါတယ်။မိမိမှာစမတ်ဖုန်းမရှိခဲ့ရင်တောင် စမတ်ဖုန်းရှိတဲ့သူငယ်ချင်းကို အကူအညီတောင်းပြီး အတူလေ့လာတာမျိုး၊အင်တာနက်ဆိုင်မှာတစ် နေ့အချိန်နည်းနည်းပေးပြီး ထိုင်လေ့လာတာ မျိုးတွေလုပ်လို့ရပါတယ်။ အင်္ဂလိပ်စာမကျွမ်းကျင်ရင်တောင်မိမိစိတ်ဝင်စားတဲ့အတန်းက ဗွီဒီယိုတွေ၊ ဖတ်စာတွေကို လေ့လာမှတ်သားရင်းက အင်္ဂလိပ်စာကိုပါတစ်ပါတည်းလေ့လာသွားလို့ရပါတယ်။ အလွန်ကိုနာမည်ကြီးတဲ့ တက္ကသိုလ်တွေက အလွန်ကိုနာမည်ကြီးတဲ့ပရော်ဖက်ဆာတွေကိုယ်တိုင်ပို့ချပေးတဲ့ အတန်းတွေလည်းရှိပါတယ်။ ကိုဆာရာကြောင့်မဟုတ်ရင် အဲဒီအတန်းမျိုးတွေတက်ခွင့်ရဖို့က အိပ်မက်တောင်မမက်ရဲခဲ့တဲ့အနေထားမျိုးပါ။ ဂီတပိုင်းမှာ ဘာကလေဂီတကောလိပ်လိုမျိုး၊ပြည်သူ့ ကျန်းမာရေးဆိုင်ရာမှာ ဂျွန်ဟော့ပ်ကင်းလိုတက္ကသိုလ်မျိုးတွေက ပို့ချပေး တာတွေရှိပါတယ်။ဘာကလေဂီတ ကောလိပ်က ဂစ်တာကိုအခြေခံကစ သင်ပေးတဲ့အတန်းမှာ ဂစ်တာရဲ့အစိတ်အပိုင်း၊ ကြိုးညှိပုံ၊ဂစ်တာရွေးချယ် ပုံတွေကအစ သေသေချာချာသင်ကြားပို့ချပေးတာကို တွေ့ရပါတယ်။
ကိုဆာရာဆိုတဲ့အင်တာနက်စာမျက်နှာကလေးကို စတင်တည်ထောင်ခဲ့သူတွေက စတန်းဖို့်ဒ်တက္ကသိုလ်၊ ကွန်ပျူတာသိပ္ပံက တွဲဖက်ပါမောက္ခတစ်ဦးဖြစ်သူ Andrew Ng နဲ့ ပါမောက္ခတစ်ဦးဖြစ်သူDaphne Koller တို့ဖြစ်ပါ တယ်။(၂၀၁၂)ခုနှစ်ကမှ စတင်ခဲ့တာပါ။ သူတို့ကကမ္ဘာ့တက္ကသိုလ်ကြီးတွေကိုကိုဆာရာထံမှာပညာဒါန အတန်းတွေ ပို့ချပေးဖို့လှုံ့ဆော်တိုက်တွန်းခဲ့ကြပါတယ်။ အခုကျွန်မဒီဆောင်းပါးကိုရေးနေချိန်မှာကိုဆာရာမှာ တစ်ကမ္ဘာလုံးက တက် ရောက်သင်ကြားနေသူ (၁၃)သန်းကျော်ရှိပြီး စက္ကန့်နဲ့အမျှလူဦးရေတိုးတက်နေပါတယ်။အတန်းက(၁၀၃၉)တန်းရှိပြီး ပို့ချပေးနေတဲ့မိတ်ဖက်တက္ကသိုလ်က (၁၁၉)ခုရှိပါတယ်။ ဘာသာရပ်တွေထဲမှာအနုပညာ၊ ဂီတ၊ ပညာရေး၊ သင်္ချာ၊ ဓာတုဗေဒ၊ လူမှုရေးသိပ္ပံ၊ဥပဒေ၊ ကျန်းမာရေး၊ စီးပွားရေး၊ ကွန်ပျူတာ၊ စသဖြင့်ရွေးစရာ အတော်များများရှိတာ ကိုတွေ့ရပါတယ်။အချိန်အကန့်အသတ်နဲ့ ဖွင့်တဲ့အတန်းတွေ ရှိသလို ဘယ်အချိန်မဆို တက်လိ်ု့ရအောင် တောက် လျှောက်ပို့ချပေးနေတဲ့အတန်းအချို့လည်းရှိပါတယ်။ အဲဒါကို On Dem-and Course တွေကဗွီဒီယိုတွေကို အခြားအတန်းက ဗွီဒီယိုတွေလိုဒေါင်းလုပ် လုပ်ပြီးသိမ်းထားလို့မရပါဘူး။ အင်တာနက်နဲ့ချိတ်ဆက်ထားတဲ့အချိန်တွေမှာပဲကြည့် လို့ရပါတယ်။
ကိုဆာရာကို ဘာကြောင့်စတင်ဖြစ်ခဲ့သလဲဆိုတဲ့အကြောင်းကိုDaphne Koller ကသူမရဲ့ (၂၀၁၂)က တက်ဒ် တော့ (Tedtalk)မှာ အခုလိုပြောပြခဲ့ပါတယ်။ သူမကပညာရေးကိုအလေးထားတဲ့မိဘအသိုင်းအဝိုင်းက ပေါက်ဖွားလာခဲ့သူ ဖြစ်ပြီး ပီိအိပ်ခ်ျဒီအဆင့်ပညာရေးအထိ ရခဲ့သူတွေရဲ့တတိယမျိုးဆက်ဖြစ်ပါတယ်။သူမကအကောင်းဆုံး တက္ကသိုလ် တွေကို တက်ခွင့်ရခဲ့ပေမယ့် ကမ္ဘာပေါ်မှာသူမလို ကံမကောင်းသူတွေအများအပြားရှိနေတာကိုသတိပြုမိပါတယ်။ အဲဒါ ကြောင့် သူမကသူမရရှိထားတဲ့အနေအထားကို အသုံးပြုပြီးကံမကောင်းသူတွေအတွက်အခွင့်အလမ်း တံခါးတွေဖွင့်ပေးဖို့ ဆုံးဖြစ်ခဲ့ပါတယ်။ သူမကတောင်အာဖရိကနိုင်ငံ Johannesburတက္ကသိုလ်မှာနေရာအလုံအလောက်မရှိတဲ့အတွက် လူဦးရေကန့်သတ်ပြီး လက်ခံရတဲ့အကြောင်းလေးကိုဥပမာအဖြစ်ပြောပြပါတယ်။ ကျောင်းဝင်ခွင့်သွင်းရမယ့်နေ့မှာ ဝင်ခွင့်ရဖို့အတွက်လူတွေက ကျောင်းဂိတ်ဝမှာညကတည်းကစောင့်ခဲ့ကြရာက တစ်မိုင်လောက်ရှည်တဲ့လူတန်းကြီး ဖြစ်နေ ပါတယ်။ ဂိတ်တံခါးစဖွင့်ချိန်မှာလူတွေအလုအယက်တွန်းကြတိုးကြရင်းက မိမိသားကျောင်းတက်ခွင့်ရဖို့လာစောင့်နေတဲ့ မိခင်တစ်ဦးလူနင်းခံပြီးသေဆုံးသွားခဲ့ပါတယ်။လူနှစ်ဆယ်ကျော်လည်း ဒဏ်ရာရခဲ့ပါတယ်။ အဲဒါက(၂၀၁၂)ခုနှစ်ထဲ မှာတင်ဖြစ်ခဲ့တာပါ။ တကယ်တော့တောင်အာဖရိကနိုင်ငံလိုမျိုးမှာတင်မဟုတ်ပါဘူး။ သူမနေထိုင်တဲ့အမေရိကန်နိုင်ငံ လိုမျိုးမှာတောင်တက္ကသိုလ်များစွာရှိပေမယ့် လက်လှမ်းမမီနိုင်၊မတက်နိုင်သူတွေ တစ်ပုံတစ်ပင်ရှိနေကြပါတယ်။အဆင့် မြင့်ပညာသင်ကြားရေးစရိတ်က အလွန်မြင့်လာတဲ့အတွက် လူအတော်များများကမတက်နိုင်ကြဘူး။
သူမနဲ့အတူကိုဆာရာကိုတည်ထောင်ခဲ့တဲ့ Andrew Ng စတန်းဖို့ဒ်တက္ကသိုလ်မှာ Machine Lear-ning ဆိုတဲ့ အတန်းကိုသင်ရင်တက်တဲ့ကျောင်းသားက(၄၀၀)ရှိပါတယ်။ ဒါပေမဲ့အင်တာနက်ပေါ်မှာ အဲဒါကိုသင်ပေးတော့ အဲဒီ အတန်းကိုတက်တဲ့သူကတစ်သိန်းရှိပါတယ်။ အဲဒီလိုလူဦးရေကိုရောက်အောင် စတန်းဖို့ဒ် တက္ကသိုလ်က စာသင်ခန်းထဲမှာချည်းပဲသင်နေမယ်ဆိုရင် နှစ်ပေါင်း(၂၅၀)သင်မှသာရနိုင်မယ်လို့ သူမက ထောက်ပြပြောဆိုပါတယ်။အဲဒီလိုသက်ရောက်မူ တွေကို တွေ့ပြီးတဲ့အခါ သူမနဲ့ Andrew Ngက အင်တာနက် ပေါ်ကပို့ချမူတွေကိုတိုးချဲ့ဖို့လိုအပ်နေပြီလို့ နားလည်ခဲ့ ကြပါတယ်။ အရည်အသွေးအမြင့်ဆုံး ပညာရေးတွေကိုလူများများထံ ရောက်နိုင်သမျှရောက်အောင်ပို့ပေးဖို့အတွက် သူမတို့ကြိုးစားကြည့်ကြမယ်လို့ဆုံးဖြတ်ပြီးဒီ ကိုဆာရာကို တည်ထောင်ခဲ့ခြင်းဖြစ်ပါတယ်။ ကိုဆာရာရဲ့ပန်းတိုင်က ကမ္ဘာပေါ်မှာ ရှိသမျှလူတွေအားလုံးထံကိုအကောင်းဆုံးတက္ကသိုလ်တွေက အကောင်းဆုံးသင်ကြားပို့သူတွေရဲ့ အကောင်း ဆုံးအတန်းတွေကို အခမဲ့ပို့ဆောင်ပေးဖို့ ဖြစ်ပါတယ်။
သူမအဲဒီတက်ဒ်တော့ကိုပြောဆိုချိန်မှာ ကိုဆာရာမှာ သင်ကြားပို့ချပေးနေတဲ့ တက္ကသိုလ်လေးခုပဲရှိပါသေးတယ်။ တက်ရောက်သူတွေထဲမှာ စတန်းဖို့ဒ်တက္ကသိုလ်လိုအရည်အသွေးမျိုးနဲ့ သင်ကြားပို့ချမူတွေကို သာမန်အားဖြင့်လက်လှမ်း မမီနိုင်မယ့် အိန္ဒိယနိုင်ငံ၊မြို့သေးသေးလေးကလူလည်းပါ ပါတယ်။ အလုပ်တစ်ဖက် နဲ့ဝင်ငွေရှာရင်း ကလေးတွေကိုပြုစု စောင့်ရှောက်နေရလို့ကျောင်းမတက်နိုင်တဲ့မိခင်လည်းပါ ပါတယ်။ကိုယ်ခံ အားလျော့နည်းနေတဲ့ မိမိရဲ့ကလေးကိုရောဂါပိုးကူးစက်မှာ စိုးရိမ်ပြီးအပြင်မထွက် ကျောင်းမတက်ရတဲ့ဖခင် လည်းပါ ပါတယ်။ အခုအဲဒီကလေးလေးကနေကောင်းသွားပြီး ဖခင်ဖြစ်သူက ကိုဆာရာအတန်းတွေကရတဲ့ လက်မှတ်တွေနဲ့ အလုပ်ရှာလို့ရခဲ့အကြောင်းကိုလည်းသူမကပြောပြပါတယ်။ သူမကအဲဒီဟောပြောချက်နဲ့ နာမည်ကြီးတက္ကသိုလ်တွေရဲ့ နှလုံးသားကိုလှုပ်နိုးပြီးအင်တာနက်ပေါ်မှာအခမဲ့ပို့ချမူတွေကို အလှူခံခဲ့ပါတယ်။
သင်ကြားပို့ချတဲ့ပုံစံက အပတ်စဉ်တိုင်းမှာရက်တစ်ရက်သတ်မှတ်ပြီး ပို့ချနေတဲ့အတန်းက ဗီဒီယိုအသစ်တွေ တင်ပေးပါတယ်။ အတန်းတက်သူတွေကအဲဒီဗွီဒီယိုတွေကိုကိုယ်အားတဲ့ အချိန်တွေမှာကြည့်နိုင်ကြပါတယ်။ အဲဒီ နောက်မှာ ပေးထားတဲ့အိမ်စာတွေကိုလုပ်ကြရပါတယ်။အဲဒီအ်ိမ်စာတွေအတွက် နောက်ဆုံးတင်ရ မယ့်ရက်ကို သတ်မှတ် ထားပြီးတင်တဲ့ အိမ်စာတွေကိုအမှန်တကယ်အမှတ်ပေးပါတယ်။အဲဒီအတန်းကပေးတဲ့ အိမ်စာတွေကို မှန်မှန်လုပ်ပြီး သတ်မှတ်ထားတဲ့ အောင်တဲ့အနေအထားကိုရရင်အောင်လက်မှတ်ထုတ်ယူလို့ရပါ တယ်။ အဲဒီအောင်လက်မှတ်တွေကို ကမ္ဘာ့တက္ကသိုလ်တွေကို သွားတက်တဲ့အချိန်တွေမှာ၊အလုပ်လျှောက်တဲ့နေရာတွေမှာ အမှန်တကယ်သုံးလို့ရပါတယ်တဲ့။
ဒါပေမဲ့ အခုအချိန်မှာတော့အောင်လက်မှတ်တွေကအခမဲ့မဟုတ်တော့ပါဘူး။ လိုချင်ရင်ကန်ဒေါ်လာ (၄၅)ပေးရပါတယ်။ လက်မှတ်မလိုချင်ဘဲ သိချင်တတ်ချင်လို့တက်တဲ့သူတွေအတွက်ကတော့ဘာမှမလိုပါဘူး။ အိမ်စာတွေ ကိုဝင်မလုပ်ဘဲ ဗွီဒီယိုတွေချည်းပဲကြည့်ပြီး လေ့လာလည်းရပါတယ်။အိမ်စာတွေမလုပ်ရင် သင်ယူမှုတွေကိုရရှိမယ့် အဆင့်တော့ကွာသွားနိုင်ပါတယ်။ အောင်လက်မှတ်လည်းလိုချင်တယ်ပိုက်ဆံလည်းအကုန်မခံ ချင်ဘူးဆိုရင် အခြားနည်း လမ်းလေးတစ်ခုရှိပါတယ်။ အဲဒါက ကိုဆာရာရဲ့ဘာသာပြန်ပေးသူတွေထဲကိုဝင်ပြီးဗွီဒီယိုတွေထဲက သင်ကြားပို့ချမှုတွေကို မြန်မာပြန်ပေးလို့ရပါတယ်။ စာလုံးရေ(၂၅၀၀၀)ပြန်ပေးနိုင်လိုက်တိုင်းမှာအတန်းတစ်တန်းရဲ့ အောင်လက်မှတ်ကိုရဖို့(၄၅) ဒေါ်လာအစား သုံးနိုင်မယ့်ကုဒ်တစ်ခုရပါမယ်။အင်တာနက် ပေါ်မှာတိုက်ရိုက်ပြန်ပေးရမှာမို့ အဲဒီအတွက်ကတော့ ကွန်ပျူတာနဲ့ အင်တာနက်အချိန်ကြာကြာသုံးစွဲဖို့လိုအပ်ပါ မယ်။ခြွင်းချက်အနေနဲ့ အောင်လက်မှတ်မပေးနိုင်ဘူးဆိုတဲ့ အတန်းတွေလည်းရှိလာပါပြီ။အတန်းတစ်ခုတိုင်းရဲ့ စာမျက်နှာမှာသူတို့မပေးမှာ၊ ပေးမှာတွေကို အသေးစိတ်ဖော်ပြ ထားလေ့ရှိပါတယ်။
သင်ယူလေ့လာချင်တဲ့စိတ်နဲ့အလေ့အကျင့်ကမွေးယူလို့ရပါတယ်။ နေ့စဉ်အချိန်အနည်းငယ်ပေးပြီး သင်ယူ လေ့လာတဲ့အကျင့်ကိုစတင်မွေးရင်ကာလတစ်ခုကြာလာတဲ့အခါ အဒီအလေ့အကျင့်ကမိမိရဲ့မသိစိတ် ထဲဝင်သွားပြီး အားစိုက်စရာမလိုတော့တဲ့အလေ့အထတစ်ခုဖြစ်သွားနိုင်ပါတယ်။ အသစ်သင်ယူလေ့လာမှုတွေ ကဦးနှောက်ကိုသာမက၊ ရုပ်ကိုပါနုပျိုစေနိုင်ပါတယ်။တစ်နေ့ကို ဗွီဒီယိုလေးတစ်ခုဒါမှမဟုတ်ဆယ်မိနစ်စာ လောက်ကလေးပုံမှန်ကြည့်ရင်းကနေ တစ်နှစ်ကြာတဲ့အခါသိသိသာသာအသိဥာဏ်ကွာဟသွားတဲ့အနေအ ထားမျိုးကို ရောက်ရှိနိုင်ပါတယ်။ ကိုဆာရာက ပေါ့ပေါ့ကလေး လေ့လာချင်သူတွေအတွက်အဆင်ပြေသလို၊ကျောင်းတက်သလို သေသေချာချာလေ့လာချင်သူတွေ အတွက်လည်း အဆင်ပြေတာကြောင့်မသိသေးသူတွေ သိနိုင်အောင်သတင်းဝေမျှခြင်းဖြစ်ပါတယ်။မြန်မာနိုင်ငံထဲမှာရှိတဲ့ လူတိုင်းလက်လှမ်းမီနိုင်မယ့် အနေအထားမျိုး မှာမရှိသေးပေမယ့်လက်လှမ်းမီနိုင်တဲ့သူတွေ ရှိနေပြီဖြစ်တဲ့ အတွက်ဒီစာကိုရေးခြင်းဖြစ်ပါတယ်။ အဲဒီအင်တာနက်စာမျက်နှာကို www.coursera.orgမှာကြည့်လို့ရပါတယ်။
