ငွေနှင့်ပညာ ဖလှယ်နေရသည့်ခေတ်
မြန်မာနိုင်ငံရဲ့ပြုပြင်ပြောင်းလဲမှု ဖြစ်စဉ်များစွာမှာ နိုင်ငံအတွက် အလွန်အဓိကကျနေတဲ့ ပညာရေး စနစ်ကြီးကလည်းတစ်စတစ်စပြုပြင်ပြောင်းလဲလာပါတယ်။ ပြောင်းလဲမှုများစွာ လုပ်ပြီး တဲ့နောက်ပိုင်းမှာ တိုးတက်လာတဲ့ပညာရေးစနစ်တွေရှိသလို လုံလောက်မှုမရှိသေးတဲ့ ပညာရေးစနစ် တချို့ကြောင့် ပြည်ပမှာပညာသင်ပြီးပြည်ပကဘွဲ့ကို ယူနေရတဲ့သူတွေအများအပြားရှိနေသေးပါတယ်။
အရင်တုန်းကပြည်ပမှာ ပညာသင်သွားမယ်ဆိုရင် ငွေကြေးအရမ်းအကုန်အကျများသလို တော်ရုံဘယ်သူမှ မသွားနိုင်ကြပါဘူး။အခုက အရင်ထက် ပိုပြီး ချိုသာတဲ့ဈေးနှုန်းနဲ့ သွားနိုင်ကြပါ တယ်။ မြန်မာ့မြေ၊ မြန်မာ့အငွေ့အသက်နဲ့ခွဲပြီးတိုင်းတစ်ပါးမှာ ဘယ်သူမှ ပညာသင်မသွားချင်ကြပေ မယ့် နိုင်ငံတကာအသိအမှတ်ပြု ကမ္ဘာ့အဆင့်ဝင်ကျောင်းတွေမှာ တက်မှ၊ သင်မှသာ တစ်ဘဝလုံး စိတ်ချနိုင်မှာဖြစ်သလို ပညာရေးစနစ် ကွာခြားမှုကြောင့်လည်းသွားနေရတာပဲ ဖြစ်ပါတယ်။
မြန်မာနိုင်ငံကနိုင်ငံတကာနဲ့ ချိတ်ဆက်ထားတဲ့ ပြည်တွင်းကျောင်းတစ်ခုကနေ ဒီပလိုမာယူပြီး စင်ကာပူက ကျောင်းတစ်ခုမှာအင်ဂျင်နီယာဘာသာရပ်ကို သွားရောက်သင်ယူနေတဲ့ ကိုအေးချမ်း ဦးက “ကျွန်တော်တို့ကျောင်းကတစ်ပတ်ကျောင်းတက်ချိန်လေးချိန်ရှိတယ်။ သုံးချိန်က စာသင်တယ်။ တစ်ချိန်က ကိုယ်ပိုင်စာလုပ်ချိန်ပါ။အခက်အခဲကတော့ ကိုယ့်နိုင်ငံမဟုတ်တော့ နေထိုင်ရတာကအစ အဆင်မပြေဘူး။ စရိတ်က အရမ်းကွာတာတွေရှိသလိုတချို့ကလည်း သိပ်မကွာဘူး”လို့ သူ့ရဲ့ အတွေ့ အကြုံတွေကို ပြောပြပါတယ်။
ဒါအပြင်စာသင်ကြားတဲ့အခါမှာလည်းစည်းကမ်း၊ သင်ကြားမှုပုံစံကစလို့ မြန်မာနိုင်ငံရဲ့ပညာ ရေးစနစ်နဲ့ တော်တော်ကို ကွာခြားတာတွေကိုလည်းပြည်ပရောက် ပညာသင်ကြားနေကြတဲ့ သူတွေ အကုန်လုံးက ပြောပြပါတယ်။ နေထိုင်စရိတ်၊ စားသောက်စရိတ်ကစလို့အလုံးစုံဈေးကြီးလှတဲ့ ပြည်ပ မှာပညာသင်ကြတဲ့ကျောင်းသားတွေကို အချို့ပြည်ပကျောင်းများဟာအချိန်ပိုင်းအလုပ်လုပ်ကိုင်ခြင်း ကို ခွင့်မပြုကြပါဘူး။
“ကျွန်တော်တို့တက်နေတဲ့ကျောင်းကအချိန်ပိုင်းအလုပ်လုပ်ခွင့်မရှိဘူး။ ခိုးလုပ်လို့မိသွားရင် အိမ်ပြန်ပို့တယ်လို့ပြောတယ်။အစိုးရကျောင်းတွေကတော့ အချိန်ပိုင်းလုပ်လို့ ရတယ်ကြားတယ်။ စင်ကာပူကို အဓိကကကျောင်းသွားတက်ရတာကကျွန်တော့်ပညာရေးကိုတော့ တော်တော်မျှော်မှန်း ချင်တာကြောင့် သွားတာဖြစ်သလို မိဘကျေးဇူးလည်းဆပ်ချင်တယ်။ ပြီးတော့ ဟိုမှာက ကျောင်းပြီး ရင် အလုပ်တွေလည်း ကောင်းတယ်”လို့လည်း သူ့ရဲ့အနာဂတ်ရည်မှန်းချက်ကို ပြောပြပါတယ်။
ပြည်ပမှာပညာသင်သွားတယ်ဆိုရာမှာလည်း နိုင်ငံအလိုက် ကုန်ကျစရိတ်များစွာ ကွာပါသေး တယ်။ ထိုင်းနိုင်ငံ၊စင်ကာပူ၊ ယူကေတို့ကတော့ လူငယ်တွေ ပညာသင်ဖို့ အသွားအများဆုံးဖြစ် ကြတဲ့အပြင် ကုန်ကျစရိတ်တွေကလည်းပျမ်းမျှအားဖြင့် ကျပ်သိန်း ၂၀၀ ကနေ ကျပ်သိန်း ၈၀၀ လောက်အထိကို နိုင်ငံအလိုက်သင်ယူတဲ့ဘာသာရပ်အလိုက်ကုန်ကျတယ်လို့ သိရပါတယ်။
“ကျွန်မကယူကေမှာ စီးပွားရေးစီမံခန့်ခွဲမှုဘွဲ့အတွက် သွားတက်တာပါ။ စကော်လာနဲ့ တက် တာမဟုတ်ဘဲ ကိုယ့်ပိုက်ဆံနဲ့ကိုယ်သွားတက်တာကိုပဲအားလုံး ကျောင်းတစ်နှစ်ခွဲစာအတွက်ကို သိန်း ၅၀၀ ကျော်လောက်ကုန်တယ်။ ဒါပေမဲ့ ကိုယ့်စားစရိတ်၊နေစရိတ်က သူ့ဟာသူပြန်ပြီးကာမိပါ တယ် ” လို့လည်း ယူကေမှာ ပညာသင်နေတဲ့ မနှင်းနှင်းက ပြောပါတယ်။
ပြည်ပမှာပညာသင်ပြီးတဲ့သူတွေအများစုမှာ အလုပ်အကိုင်အခွင့်အလမ်းနဲ့ ရပိုင်ခွင့်တွေ ပိုမို သာလွန်နေတဲ့ ပညာသင်ခဲ့တဲ့နိုင်ငံတွေမှာပဲ ကျောင်းပြီးတာနဲ့ အလုပ်လုပ်ကြပြီး ဝင်ငွေရရှိမှု ကွာဟ လွန်းတဲ့ မြန်မာနိုင်ငံကိုပြန်လာပြီး အလုပ်လုပ်ကြတာက နည်းပါတယ်။ အဲဒီလိုနည်းပါး နေတာ ကြောင့်လည်း မြန်မာနိုင်ငံမှာအရည်အချင်းပြည့်ဝတဲ့ လုပ်သားတွေ တဖြည်းဖြည်းနဲ့ ပြည်ပနိုင်ငံတွေ ကို ယိုစီးထွက်သွားပါတော့တယ်။
“ယူကေမှာနှစ်နှစ်ခွဲ ပညာသင်သွားခဲ့ပါတယ်။ မြန်မာတွေ အားလုံးကလည်း အရည်အချင်း မညံ့ဘူးဆိုတာ သူတို့ကိုယ်တိုင်သိတယ်။ဒါပေမဲ့ ခက်တာက အတန်းစတက်လို့ မြန်မာလို့နှုတ်ဆက် တာကို တော်တော်များများမသိကြဘူး။ ထိုင်းနိုင်ငံနားကလို့ပြောမှသိကြတယ်။ နောက်တစ်ခုက တကယ်နိုင်ငံခြားသွားပြီး ပညာသင်မယ် ဆုံးဖြတ်ထားရင် အချက်အပြုတ်ကိုပြင်ဆင်ထားသင့်တယ်။ မြန်မာနဲ့နီးတဲ့ နိုင်ငံတွေမှာပညာသင်ရင် သိပ်အခက်မတွေ့နိုင်ပေမယ့်အနောက်နိုင်ငံတွေမှာဆို အစား အသောက်က တော်တော်ဒုက္ခရောက်ရတယ်”လို့လည်း ယူကေမှာ ပညာသင်နေတဲ့ကိုမင်းမင်းက ပြောပါတယ်။
ဒါတွေအားလုံးဟာဘာကြောင့်လဲဆိုရင် လူတိုင်းက နိမ့်ကျခဲ့ရတဲ့ ပညာရေးစနစ်ကိုပဲ လက် ညှိုးထိုးကြတာပါပဲ။မြန်မာနိုင်ငံက လူငယ်တွေမှာ ပညာကို အပတ်တကုတ် ကြိုးစားချင်ကြတဲ့သူတွေ၊ မြေတောင်မြှောက်ပေးနိုင်သလောက်သီးပွင့်မယ့်သူတွေ ငုပ်လျှိုးနေရတာဟာ ပညာရေးစနစ်နိမ့် ကျမှု ရဲ့ သားကောင်တွေဖြစ်သွားရတာကြောင့်ပါ။
ငွေနဲ့ပညာရေးကိုပုံအောပြီး လဲလှယ်နိုင်လေ ဘဝရပ်တည်ချက်ပိုခိုင်မာလာလေ ဖြစ်တာ ကြောင့် ပြည်တွင်းက အထက်တန်းစားလူတန်းစားများနဲ့လူလတ်တန်းစားများဟာ ပြည်ပက အဆင့် မြင့်ပညာရပ်တွေကို သွားရောက်သင်ကြားခွင့်ရကြပါတယ်။အဆင့်မြင့် ပညာရပ်များ သင်ကြားခဲ့ရ ခြင်းနဲ့အတူ အနာဂတ်မှာ ပြည်တွင်းမှာပညာသင်ပြီး အလုပ်လုပ်ကိုင်နေရတဲ့သူတွေနဲ့ရေရှည်ရပ် တည်မှုမှာ ကွာသွားတယ်လို့လည်း ပြည်ပမှာ ပညာသင်နေသူတွေက ဆိုပါတယ်။
နောက်ဆုံးအပိတ်အနေနဲ့ပြောရမယ်ဆိုရင် မြန်မာနိုင်ငံကတစ်ဆင့် အဆင့်မြင့်ပညာရပ်များကို ပြည်ပနိုင်ငံမှာ သွားရောက်သင်ကြားနေတဲ့အရည်အချင်းပြည့် လူငယ်များကို နိုင်ငံတကာနဲ့အညီ ပြန်လည်ဆွဲဆောင်လာနိုင်ခဲ့မယ်ဆိုရင်တော့ဖွံ့ဖြိုးမှုကို ပုံဖော်ဆဲမြန်မာနိုင်ငံဟာ အရည်အချင်းပြည့် ပညာတတ်လူငယ်များ စွမ်းအားနဲ့ပိုမိုအလှဆင်လာနိုင်မယ်ဆိုတာကိုပြောရင်းအဆုံးသတ်လိုက်ရပ် တယ်။
အေးမြတ်မွန်
