တစ်ခါကအရှုံးသမား
သူငယ်ငယ်လေးတုန်းကသူကိုဦးလေးဖြစ်သူကစပါကီလို့ခေါ်တယ်။ရုပ်ပြကာတွန်းထဲက မြင်းလေးရဲ့နာမည်ပေါ့။ ကျောင်းတက်နေတဲ့အရွယ်ဖြစ်တော့စပါကီတစ် ယောက် ကျောင်းကို
အမြဲသွားရပေမဲ့ ကျောင်းမှာမပျော်လှပါဘူး။ ရှစ်တန်းမှာ သူဘာသာစုံကျတယ်။အထက်တန်းမှာ ရှုပဗေဒဘာသာရပ်ကို အထူးစပါယ်ရှယ် ကျတယ်။ ဘဲဥမကွဲဘူးလေ။ သုညလေးက
သူ့ကို လှောင်ပြောင်နေသလိုပါပဲ။
အင်္ဂလိပ်စာ၊ ဂဏန်းသင်္ချာ၊ လက်တင်ဘာသာစကား ဘာသာရပ်တွေမှာလည်းကျတာပဲ။ အားကစားမှာတော့ ထူးချွန်မယ်ထင်သလား။ ဝေလာဝေးပဲ၊ ကျောင်းစာတွေ နဲ့
ထူးမခြားနားပါပဲ။ကျောင်းရဲ့ဂေါက်သီးရိုက်အသင်းမှာ ပါဝင်ဖို့ လုပ်နိုင်ခဲ့ပေမဲ့ ရာသီရဲ့ အရေးကြီးဆုံးပွဲမှာသူရှုံးပြန်တယ်။ နောက်ထပ် နှစ်သိမ့်ဆု ပြိုင်ပွဲမှာလည်းထပ် ရှုံးပြန်တယ်။
သူ့ရဲ့ငယ်ရွယ်တဲ့ဘ၀တစ်လျှောက်လုံးမှာ လူမှုဆက်ဆံရေးကလည်း အံချော်နေခဲ့ ပြန်ပါတယ်။ တခြားကျောင်းသားတွေကသူကိုမကြိုက်ကြဘူး။ကျောင်းသားတွေမှမ ဟုတ်ပါဘူး၊
တကယ်တော့ သူ့ကို ဘယ်သူတစ်ဦးတစ်ယောက်ကမှ ရှိ မရှိတောင်ဂရုမ စိုက်ခဲ့ဖူးပါဘူး။
စပါကီကလည်း ကျောင်းချိန်ပြင်ပမှာ ကျောင်းသားတစ်ယောက်ယောက်နဲ့တွေ့ လို့ နုတ်ဆက်ခံရရင်လည်း ဘာပြန်ပြောရမှန်းမသိပဲ
စိုးထိပ်နေတတ်သူပါ။ ကောင်မ လေးတွေကိုချိန်းတွေ့ဖို့ဆိုတာ တော်တော်လေးကို မဖြစ်နိုင်ခဲ့ပါဘူး။ အထက် တန်းကျောင်းတက်ခဲ့တဲ့တစ်လျှောက်လုံးဘယ်မိန်းကလေးကိုမှ သူ
စကားတစ်ခွန်း သွားမပြောခဲ့ဘူး။ သူ့ကို လူတွေကအထင်သေးမှာ၊ ရယ်မောလှောင်ပြောင်ကြမှာကိုသူအရမ်း ကြောက်တယ်။ သူဟာအမြဲတမ်း အရှုံးသမားဖြစ်နေတာကို သူသိတယ်။
အတန်းဖေါ် တွေလည်းသိတယ်။လူတိုင်းလည်းသိတယ်။ သူဒီအတိုင်းပဲနေထိုင် ခဲ့တယ်။သူဟာသူ့ရဲ့ရှောင်လွဲလို့မရနိုင်တဲ့ မထူးချွန်ဘူးဆိုတဲ့ အချက်ကြောင့် ကိုယ့်ကိုယ်ကိုယ်
ကန့်သတ်ထားခဲ့တယ်။ သူသာသူ့စိတ်သူ အရာအားလုံးအဆင်ပြေလိမ့်မယ်လို့ ဖျောင်း ဖျနိုင်ခဲ့ရင် တကယ်အဆင်ပြေလာနိုင်ခဲ့ကောင်းပါတယ်။ဒါပေမဲ့ သူက ဒီလိုဘ၀နဲ့ပဲ
အသားကျအောင် ဆက်နေခဲ့တယ်။
စပါကီဘ၀မှာ တစ်စုံတစ်ခုကတော့ တော်တော်လေးကိုအရေးပါခဲ့ပါတယ်။အဲ့ဒါက တော့ ပုံဆွဲခြင်းပါပဲ။ သူရဲ့ ဒီအနုပညာကိုတော့သူ ဂုဏ်ယူလေ့ရှိပါတယ်။ တခြားဘယ် သူကမှ
အသိအမှတ် မပြုပေမဲ့ပေါ့။ သူများတွေရဲ့ အမြင်ဟာသူ့ကိုဘယ်လိုမှ အကြိုး သက်ရောက်မှု မရှိခဲ့ပါဘူး။ အထက်တန်းကျောင်း တက်တဲ့နှစ်မှာသူ့ရဲ့ ကာတွန်းပုံအချို့ကို Year Book
(ကျောင်းသားများရဲ့ တစ်နှစ်တာအမှတ် တရစာအုပ်) မှာထည့် သွင်းဖော်ပြဖို့တင်သွင်းခဲ့ပါတယ်။ ဒါပေမဲ့ တည်းဖြတ်သူတွေက သူ့ရဲ့ လက်ရာကို ပယ်ခဲ့ပါတယ်။ဒါပေမဲ့
ဒီတစ်ကြိမှာတော့ သူစိတ်ဓါတ်မကျပါဘူး။ကိုယ့်ကိုယ်ကိုယ် ဖျောင်းဖျနိုင် တဲ့အ ပြင် တစ်နေ့ကျရင် သူပညာရှင် ဖြစ်ကိုဖြစ်ရမယ်လို့ဆုံးဖြတ်ချက်ခိုင်ခိုင်မာမာ ချနိုင်ခဲ့ပါတယ်။
အထက်တန်းကျောင်း ပြီးသွားတော့ စပါကီဟာကာတွန်းရုပ်ပုံများကိုသက်ဝင်လှုပ် ရှားအောင် လုပ်၍ ရုပ်ရှင်များဖန်တီးသောနာမည်ကျော် ဝေါ့ဒ်ဒစ်စနီကုမ္ပဏီကိုတင်ပြခဲ့ပါတယ်။
သူရဲ့လက်ရာတွေကို ကုမ္ပဏီကအများကြီး တောင်းကြည့်ခဲ့ပါတယ်။ ဒီ လောက် သတိထားဂရုစိုက်ပြီးပြင်ဆင်တာတောင် သူလက်ရာတွေဟာထပ်ပြီး အပယ် ခံခဲ့ရပြန်ပါတယ်။
ဒါပေမဲ့ကာတွန်းကိုတော့ဘယ်တော့မှလက်မလျှော့ဖို့ဆုံးဖြတ်ခဲ့ပါတယ်။သူဘာလုပ်မလဲအကြိမ်ကြိမ်တွေးတယ်။ နောက်ဆုံးတော့သူ့ရဲ့ဘ၀ဇာတ်ကြောင်းကိုကိုယ်ပိုင်ကာတွန်းဇာတ်
ရုပ်တွေနဲ့ ပြောပြဖို့ သူရွေးချယ်လိုက်တယ်။
အဓိကဇာတ်ကောင်ဟာ အမြဲတမ်းရှုံးနိမ့်နေတဲ့၊ ဘယ်အရာမှာမှမအောင်မြင်တ၊ဲ့ ကောင်လေးတစ်ယောက်ပေါ့။ စပါကီရဲ့ဒီကာတွန်းဇာတ်ကောင်ဟာ လူတွေမှာဖြစ်
တတ်တဲ့ပုံစံမို့တဖြည်းဖြည်းနဲ့ လူသိများလာပြီး အောင်မြင်လာပါတယ်။ လူတွေက သူရဲ့ ဇာတ်ကောင်လေးကို ချစ်စရာအရှုံသမား လေးအဖြစ်နဲ့ ဖော်ညွှန်းပြီးချစ်ခင်လာကြပါတယ်။
သူဟာလူတွေကို သူတို့ရဲ့အတိတ်ကအရှက်ရခဲ့တဲ့၊ နာကျင်ခဲ့တဲ့ အတိတ်တွေ၊ သူတို့ပေးအပ်ခဲ့တဲ့ လူသားခြင်းစာနာမှုတွေကို ပြန်လည်ပြီးအမှတ်ရလာစေပါတယ်။ စပါကီရဲ့
ကာတွန်းဇာတ်ကောင်ဟာ ကမ္ဘာမှာပါ ကျော်ကြားလာပါတယ်။“Charlie Brown” ဆိုတဲ့ ကာတွန်းဇာတ်ကောင်လေးပေါ့။ သင်သိချင်လည်း သိနေမှာပါ။
ရှုံးနှိမ့်မှုများစွာနဲ့ ကောင်လေးတစ်ယောက်၊သူ့ကာတွန်းလက်ရာတွေကို အကြိမ် ကြိမ်ပယ်ခဲ့ပေမဲ့ ကြိုးစားမှုကိုလက်မလျှော့ခဲ့တဲ့ကောင်လေးစပါကီကတော့ နာမည် ကျော်
ကာတွန်းဆရာ “Charles Schultz” ဖြစ်ပါတယ်။ လူသိများတဲ့ စနူပီခွေးကာတွန်းလေးဟာလည်း စပါကီရဲ့ လက်ရာတစ်ခုပဲဖြစ်ပါတယ်။
သူ့ရဲ့ “Peanut” မြေပဲဆိုတဲ့ ကာတွန်းဟာစာအုပ်တွေ၊ တီရှပ်တွေ၊ ပွဲတော်ပစ္စည်း တွေမှာ တွေ့လာရပါတယ်။ ဒါဟာ အရှုံးသမားတွေကိုရောအားလုံးကိုပါ အောင်မြင်နိုင်
တယ်ဆိုတာကို သက်သေပြလိုက်တာပါပဲ။
စပါကီရဲ့ဇာတ်လမ်းဟာဘ၀ရဲ့အရေးကြီးလှတဲ့နည်းလမ်းတစ်ခုကိုသတိပေးနေသလိုပါပဲ။လူတွေအားလုံးဟာအချိန်နဲ့အမျှအခက်အခဲတွေ၊သတ္တိမရှိမှုတွေကိုရင်ဆိုင်ရလေ့ရှိပါတယ်။
ဘယ်လိုကိုင်တွယ်မယ်ဆိုတာကတော့ကိုယ့်အပေါ်မှာပဲမူတည်ပါတယ်။ဇွဲလုံ့လ၊၀ီရိယရှိရှိနဲ့သာကြိုးစားမယ်ဆိုရင်တချိန်ချိန်မှာတော့ကိုယ့်ရဲ့ထူးခြားလှတဲ့စွမ်းရည်တစ်ခုက အောင်မြင်မှု
ဆီကို အရောက်ခေါ်သွားမှာပါ။
“အရှုံးသမား”ဆိုတာ တစ်ယောက်မှမရှိပါဘူး။တချို့သော”အောင်နိုင်သူ”တွေဟာ သူများတွေထက် အချိန်နည်းနည်း ပိုကြာနေရုံလေးပါပဲ။
ချားစ်နဲ့ Peanuts ကာတွန်းဇာတ်လမ်းတွဲ
Peanuts ရုပ်ပြကာတွန်းဇာတ်လမ်းတွဲဟာချားစ်းအမ်ရှဲလ်ကိုယ်တိုင်ရေးဆွဲ၊ ဇာတ်လမ်းရေးသားခဲ့တဲ့ အမေရိကန်ကာတွန်းဇာတ်လမ်းတွဲဖြစ်ပါတယ်။၁၉၅၀ ခုနှစ် အောက်တိုဘာလ
၂ ရက်နေ့မှ စတင်ပြီး ၂၀၀၀ပြည့်နှစ် ဖေဖော်ဝါရီလ ၁၃ ရက်နေ့အထိပုံနှိပ်ခဲ့ပြီး နောက်ပိုင်းမှာလည်း မကြခဏဆိုသလို ပြန်လည်ပုံနှိပ်၊ ရုပ်ရှင်ပြသခဲ့တဲ့ဇာတ်လမ်းတွဲများဖြစ်ပါတယ်။
ရုပ်ပြကာတွန်းသမိုင်းမှာ အအောင်မြင်ခဲ့ဆုံးနဲ့အလွှမ်းမိုးနိုင်ခဲ့ဆုံး ဇာတ်လမ်း တွဲဖြစ်ကာ လူတစ်ယောက်တည်းက ပြောပြခဲ့တဲ့ အရှည်ဆုံးဇာတ်လမ်းတွဲလည်းဖြစ်ပါတယ်။
ချားစ်ကို၁၉၂၂ခုနှစ် နိုဝင်ဘာလ၂၆ရက်နေ့မှာ မွေးဖွားခဲ့ပြီး၂၀၀၀ပြည့်နှစ်ဖေဖော်ဝါရီလ၁၂ရက်နေ့မှာကွယ်လွန်ခဲ့ပါတယ်။ချားစ်ဟာကွယ်လွန်ခဲ့တဲ့ရက်အထိကာတွန်းများကိုရေးဆွဲခဲ့
သူဖြစ်ပါတယ်။
ထိပ်ဆုံးကိုရောက်ခဲ့တဲ့Peanuts ကာတွန်းဇာတ်လမ်းဟာ သတင်းစာပေါင်း ၂၆၀၀ ကျော်မှာ ပုံနှိပ်ဖော်ပြခဲ့ပြီး ဖတ်ရှု့သူပေါင်းဟာ၇၅ နိုင်ငံမှ ပရိသတ် ၃၅၅ သန်းကျော် ရှိခဲ့ကာ
ဘာသာရပ်ပေါင်း ၂၁ ဘာသာအထိ ဘာသာပြန်ဆိုခဲ့ကြပါတယ်။
