အများအကျိုးမို့ ကြီးပွားမယ် တံတားကိုထိုးလို့ နီးသွားတယ်
(၁)
“ဆရာ၊ကျွန်မတံတား အ.ထ.က ကနေ၊ သန်လျင်မြို့နယ်ကို အလယ်တန်းကျောင်းအုပ် ရာထူးတိုးရတယ် ဆရာ”
“သန်လျင်မြို့နယ်နဲ့ကျောက်တန်းမြို့နယ်ဆိုတာ ကပ်နေတာပဲ၊ ဆရာမ ကံကောင်းတာပေါ့”
“ထပ်ပြီးကံကောင်းတာရှိသေးတယ်၊ကျွန်မရာထူးတိုးအမိန့်ရပြီး နောက်တစ်ရက်မှာပဲ မှော်ဝန်းတံတား(ဝဲကြီးကျေးရွာနှင့်ပန်းချောင်းကျေးရွာ မြစ်ကူးတံတား)ကို နိုင်ငံတော်သမ္မတကြီး
ကိုယ်တိုင် ဖွင့်လှစ်လိုက်တယ်လေ၊တံတားမြို့ကနေ သန်လျင်မြို့ကို တိုက်ရိုက်သွားလို့ရပြီ၊ သုံးခွမြို့ဘက်က နေ သွားဖို့မလိုတော့ဘူး။ နေ့ချင်ပြန်သွားလို့ရတယ် ဆရာရေ့”လို့
ရာထူးတိုးရတဲ့ဆရာမ ဒေါ်ဌေးဌေးရီကဝမ်းပမ်းတသာဖုန်းဆက်ပါတယ်။အရင်တုန်းကတံတား၊ ကျောက်တန်း၊သန်လျင်ခရီးကို၎နာရီကျော်ကြာသွားရတာ။ဒါတောင်သွားချင်တဲ့အချိန်သွာ
လို့ မရဘူး။ ရေတက်ရေကျနဲ့ ရေလှည့်ကိုစောင့်ရသေးတာ။ အခုတော့ ၁နာရီ ဝန်းကျင်နဲ့သွားလို့၊လာလို့ ရပြီတဲ့လေ။ ပုတ္တလုတ်၊ စစ်တန်း၊ တံတားမြို့၊ ခနောင်၊ မင်္ဂလွန်း၊
ကမာကလုတ်ကျေးရွာဝန်းကျင်ဒေသရှိလုပ်သားပြည်သူတွေရဲ့ စီးပွားရေး၊ ကျန်းမာရေး၊လူမှုရေး၊ပညာရေးဖွံ့ဖြိုးတိုးတက်မှုတွေအတွက် အခွင့်အလမ်းကောင်းေ တွပွင့်လင်း
လာခြင်းပဲ ဖြစ်ပါတယ်။လမ်းပမ်းဆက်သွယ်ရေးကောင်းမွန်ခြင်းဟာဒေသဖွံ့ဖြိုးတိုးတက်ရေးအတွက် သော့ချက်တစ်ခု မဟုတ်ပါလား။
(၂)
ဆရာကြီးမှော်ဝန်းတံတားကြီးဖွင့်တာ တီဗီမှာတွေ့လိုက်တယ်မို့လား။ ကျွန်တော်တို့ရွာကို အဲဒီတံတားကြီးကတစ်ဆင့်လာလို့ရပြီ၊ ဆရာကြီးတို့မိသားစု လာခဲ့ပါဦး။ ရွာကတ
ပည့်တွေ မျှော်နေ ကြတယ်။ အရင်ကလိုမှော်ဝန်းမြစ်ကိုစက်လှေနဲ့ကူးပြီး၊ ပန်းတောကျေးရွာကတစ်ဆင့် လာဖို့မလို တော့ဘူး။ ကိုယ့်ကားနဲ့ကိုယ့်ရွာကိုတိုက်ရိုက်လာလို့ရသွားပြီ။
ကျွန်တော်တို့လို အသက်ကြီးတဲ့လူ တွေအတွက် အရေးပေါ်မြို့ကိုဆေးတက်ကုဖို့ လွယ်ကူသွားတာပေါ့။ သီတင်းကျွတ်ရောက်ရင်လာ ဖြစ်အောင် လာခဲ့ပါဆရာကြီး”
ဆိုပြီးကုလားတန်းကျေးရွာက ဦးလေးတာက ဖုန်းဆက်ပြန်ပါတယ်။ ကုလားတန်းကျေးရွာတွဲဖက်အလယ်တန်းကျောင်းဖွင့်ခွင့်ရရေး၊
အလယ်တန်းကျောင်းတိုးမြှင့်ဖွင့်လှစ် နိုင်ရေး၊ ကျောင်းဆောင်သစ်ဆောက်လုပ်နိုင်ရေးအတွက်ကြိုးစားဆောင်ရွက်ပေးခဲ့လို့ ကျွန်တော့်ကို ကျေးဇူးတင်နေကြတာပါ။ ကားနဲ့တိုက်
ရိုက်သွားလို့ရပြီဆိုတော့ တစ်ခေါက်တော့ သွားဖြစ်အောင် သွား ပါဦးမယ်။
(၃)
“ဆရာကြီးဒီနှစ် ပုတ္တလုတ် အ.ထ.က(ခွဲ)က အောင်ချက်တက်တယ်၊ ဂုဏ်ထူးထွက်တဲ့ ကျောင်းသားတွေလည်း ပါတယ်။ဆရာကန်တော့ပွဲကို ဆရာကြီးလာရင် သုံးခွမြို့ဘက်က လာစရာ
မလိုတော့ဘူး။ ကျောက်တန်းကနေတိုက်ရိုက်လာလို့ရပြီ။လမ်းကလည်း ကောင်းတယ်။ဆရာတော်ကြီးကလည်းဝမ်းသာနေတယ်။ ကျောက်တန်းကိုသွားသွား၊ရန်ကုန်ကိုသွားသွားအချိန်
တိုတိုနဲ့ခရီး ပေါက်တော့အသက်ကြီးသူတွေအတွက်လူမပမ်းတော့ဘူးပေါ့။ဒီနှစ်ဆရာကန်တော့ပွဲလည်းမနှစ်ကလိုပဲဒီဇင်ဘာလမှာကျင်းပဖြစ်မှာပါ။ဆက်ဆက်လာခဲ့ရမယ်နော်ဆရာကြီး
”ဆိုပြီး ပုတ္တလုတ်၊အ.ထ. က(ခွဲ)မှ ကျောင်းအုပ်ဆရာမကြီး ဒေါ်တင်တင်ဆွေက ဖုန်းဆက်ပြန်ပါတယ်။၁၉၉၂ခုနှစ်ကပုတ္တလုတ်ကျောင်းဟာအလယ်တန်းကျောင်းအဆင့်ပဲ ရှိသေးတယ်။
ဆရာကြီးဦးစံငွေပြောင်းရွှေ့သွားပြီးတဲ့နောက် ကျောင်းအုပ်ဆရာမကြီးနှစ်ဦးကိုရာထူးတိုးမြှင့်ခန့်ထားပေးခဲ့ပါတယ်။ ဝေးလွန်းလို့ဆိုပြီးတစ်ယောက်မှအလုပ်မဝင်ကြပါဘူး။ရန်ကုန်မြို့
ပေါ်အ.ထ.ကကဆရာမ တွေလေ၊ ကျောက်တန်းအထိတော့လာစုံစမ်းကြည့်ကြသေးတယ်။ ကျောက်တန်းကနေရေလမ်းခရီးနဲ့သွားရမယ်ဆိုတာရယ်၊၆နာရီကျော် မော်တော်စီးရမယ်ဆို
တာရယ်၊ အဆင်မသင့်ရင်မော်တော် နဲ့တိုက်ရိုက်မရောက်ဘဲ လမ်းလျှောက်ရဦးမယ်ဆိုတာရယ်သိပြီးတော့ အလုပ်မဝင်ကြတာပါ။
ကျောင်းအုပ်ကြီးရေရှည်မရှိတဲ့ကျောင်းဆိုတာ စည်းကမ်းပျက်သွားတတ်ပါတယ်။ အချင်းချင်း အုပ်ချုပ်တာများသွားရင်လည်းဆရာဆရာမများ စည်းလုံးမှုပြိုကွဲပြီး စိတ်ဓာတ်တွေ
ယိမ်းယိုင်သွား တတ်ပါတယ်။ စည်းကမ်းရောစိတ်ဓာတ်ပါပျက်ပြီဆိုမှတော့ ပညာရေးရာ ကောင်းနိုင်ပါဦးမလား။ ဘယ်လောက်ထိဖြစ်သွားလဲဆိုရင်ပုတ္တလုတ် အ.လ.က ကို
အလယ်တန်းကျောင်းအဆင့်ကနေ ဆိုင်ရှင်ပြန်သိမ်းဖို့အထိ စဉ်းစားလာကြတော့တာပါပဲ။
ရွာဦးကျောင်းကဆရာတော်ဘုရားက ကျောင်းဆိုင်ရှင်အသိမ်းမခံနိုင်ဘူး။ အလယ်တန်း ကျောင်းအုပ်မရရအောင်တောင်းမယ်ဆိုပြီးမြို့နယ်ပညာရေးမှူးကို အပူကပ်တော့တာပေါ့။ ရွာက
ကလေးတွေစာမတတ်မှာကိုဆရာတော်ကပူတယ်။ပညာတစ်ပိုင်းတစ်စဖြစ်မှာကိုပူတယ်။အလယ်တန်းအဆင့်ပညာမသင်ရမှာကိုပူတယ်။ဆရာတော်ကပညာရဲ့တန်ဖိုးကိုသိတယ်။
မြို့နယ်ပညာ ရေးမှူးက ကျောင်းအုပ်တစ်ယောက်ရအောင်ရှာပေးပါမယ်လို့ ဆရာတော်ကိုကတိပေးလိုက်ရတယ်။အဲဒီအချိန်မှာကျွန်တော်ကအထက်တန်းပြလုပ်သက် ၁၈ နှစ်ရှိနေပြီ။
သားသမီး ၃ယောက် စလုံး ၁၀ တန်းရောက်မှရာထူးတိုးယူမယ်လို့ ဆုံးဖြတ်ထားတဲ့အချိန်။ ကိုယ်ရာထူးတိုးဖို့ထက် သား သမီးတွေရဲ့ပညာရေးခိုင်မာဖို့ကိုအလေးထားခဲ့တယ်။
မိဘနှစ်ဦးစလုံးရဲ့ အုပ်ထိန်းမှုအောက်မှာ စနစ် တကျရှိပြီး၊ မိဘတွေရဲ့မေတ္တာကိုအပြည့်အဝရတဲ့ကလေးတွေရဲ့ပညာရေးဟာ တိုးတက် မြင့်မား လေ့ရှိပါတယ်။ ဆရာဆရာမဆိုတာ
သားသမီးတွေကိုပညာအမွေပဲတစ်လုံးတစ်ခဲတည်းပေး နိုင်ကြ တာပါ။
သားအကြီးကတပ်မတော်အင်ဂျင်နီယာတက္ကသိုလ်တက်နေပြီ၊ သမီးလတ်က ၁၀တန်းဖြေ ထားပြီးပြီ။ သားငယ်က ၉တန်းရောက်နေပြီဆိုတော့အလယ်တန်းကျောင်းအုပ်ရာထူးတိုးယူဖို့
စဉ်းစား နေတဲ့အချိန်။ မြို့နယ်ပညာရေးမှူးကရာထူးတိုးလျှောက်ဖို့ပြောတော့ကျွန်တော်ဝမ်းပမ်းတသာလက်ခံခဲ့ပါတယ်။အမျိုးသမီးကပြောပါတယ်။ဒီလောက်ခရီးဝေးပြီးဘယ်သူမှမသွား
ချင်တဲ့နေရာကိုသွားလို့ ဖြစ်ပါမလားတဲ့လေ။ ကိုယ်ကယောက်ျားလေးပဲ သူများမသွားနိုင်တဲ့နေရာကို သွားပြီးတာဝန်ထမ်းဆောင်ခွင့်ရတာကို ဂုဏ်ယူစမ်းပါလို့ ဖြေသိမ့်ပေးခဲ့ပါတယ်။
ရွာကျောင်းကိုကျောင်းအုပ်ရောက်လာပြီဆိုတော့ ဆရာတော်ဘုရားလည်းဝမ်းသာ၊ မိဘတွေ လည်းဝမ်းသာ၊ ကျောင်းသူကျောင်းသားလည်းဝမ်းသာဖြစ်ခဲ့ကြတယ်ပေါ့။
ကျေးလက်ဒေသတွေမှာဆရာမရှိတဲ့အကြောင်းရင်းနဲ့ဆရာမပြည့်စုံရတဲ့အဓိကအကြောင်းရင်းက၊လမ်းပမ်းဆက်သွယ်မှုခက်ခဲခြင်းပါပဲ။အဲဒီခေတ်ကတံတားတိုက်နယ်ပတ်ဝန်းကျင်မှာရြှိ
ကတဲ့မရမ်းဘေး၊အဝကောက်၊အေးရွာကွင်း၊အထက်မငေး၊ အောက်မငေး၊ အောင်ချမ်းသာ၊တူးမြောင်းတမံကြီးအစရှိတဲ့ ကျောင်းတွေမှာဆရာမပြည့်စုံဘဲစာသင်ခဲ့ကြရတယ်။ ဒေသခံဆ
ရာဆိုတာကလည်း မရှိသလောက်ရှားတယ်။ မြို့ပေါ်က ဆရာဆရာမတွေကလည်းဝေးလွန်းအားကြီးလို့ မလာကြဘူး။ ဒီတော့ကျောင်းအုပ်နဲ့ အထွေထွေလုပ်သားတို့ကပဲ စာသင်ပေးနေ
ကြရတာ။ကျောင်းအုပ်က မြို့နယ် ကို အစည်းအဝေးသွားတာတို့ လစာသွားထုတ်တာတို့ဆိုရင် တစ်ပတ်လောက်ကတော့အထွေထွေ လုပ်သားနဲ့ ထားခဲ့ရတာ။ သွားရေးလာရေးက
ကုန်းကြောင်းနဲ့ရေကြောင်းပဲရှိတာ၊ ရေကြောင်းကလည်းရေတက်ရေကျစောင့်ရသေးတာ။ကိုယ်သွားချင်တိုင်း၊လာချင်တိုင်းလာလို့ရတာမဟုတ်ဘူး။ဒီတော့လမ်းပမ်းဆက်သွယ်ရေးေ
ကြောင့် ကလေးတွေပညာရေးနိမ့်ကျနေတော့တာပေါ့။ ၄တန်းအောင်တော့ လည်းပုတ္တလုတ်တို့၊ စစ်တန်းတို့၊ တံတားတို့ကို သွားတက်ဖို့မလွယ်ပြန်ဘူး။ ဒီအစိုးရလက်ထက်မှာလမ်း
ပမ်းဆက်သွယ်ရေးတွေ ကောင်းလာပြီ။ ကျောင်းတွေကိုလည်း အဆင့်တိုးမြှင့်ပေးခဲ့ပြီ။ စစ်တန်းအ.လ.က ဆိုရင် အထက်တန်းကျောင်း အဆင့်တိုးမြှင့်သွားပြီ။ တံတားမြို့၊ ခနောင်၊
မင်္ဂလွန်း၊ကမာကလုတ်ရွာတွေဘက်ကဆိုရင်လည်း မှော်ဝန်းတံတားကိုဖြတ်ပြီး ကျောက်တန်းကို ၁နာရီအတွင်းအရောက်သွားလို့ရပြီ။ ရန်ကုန်ကို ကားနဲ့တိုက်ရိုက်သွားလို့ရပြီ။
ပညာရေး၊ လူမှုရေး၊ ကျန်းမာရေး၊စီးပွားရေးတို့အတွက် ကိုယ့်ကြိုးစားအားထုတ်မှုရှိရင်ရှိသလောက် ဖွံ့ဖြိုးတိုးတက်ဖို့အခွင့်အလမ်းတွေပွင့်လာပြီ။ ရန်ကုန်အရှေ့ပိုင်းတက္ကသိုလ်
ကို မော်တော်ဆိုင်ကယ်နဲ့ နေ့ချင်းပြန်တက်လို့ရပြီ။ကိုယ့်ဒေသနဲ့ထိုက်လို့ရလာတဲ့ အခွင့်အလမ်းတစ်ရပ်ကို တန်အောင် အသုံးပြု တတ်ဖို့က ဒေသခံတို့ရဲ့အရည်အချင်းပါ။
ဒီခရီးမဝေးတော့ပါဘူး။ ကျောက်တန်းမြို့နယ်တောင် ဘက်ခြမ်းရှိ မုတ္တမပင်လယ်ကွေ့မှာကျေးရွာပေါင်း ၄၅ ရွာ၊ အိမ်ထောင်စုပေါင်း ၂၀၄၂၄စု၊ လူဦးရေ ၈၁၄၇၈
ဦးတို့က မှော်ဝန်းတံတားကြီးကိုတန်အောင်အသုံးချတတ်ဖို့ လိုပါတယ်။ ရေရှည်တည်တံ့ အောင်လည်း ထိန်းသိမ်းစောင့်ရှောက်ဖို့တာဝန်ရှိပါတယ်။ အခွင့်အလမ်းနဲ့ တာဝန်ဆိုတာဒွန
တွဲနေ တာပါ။ မှော်ဝန်းတံတားကြီးကြောင့်မုတ္တမပင်လယ်ကွေ့ကျေးရွာများမှ လုပ်သားပြည်သူတွေ စီးပွား ရေးကောင်းလာမယ်။ စီးပွားရေးကောင်းလာရင်ပညာရေးလည်း
ဖွံ့ဖြိုးတိုးတက်လာမယ်။ ပညာရေး ဖွံ့ဖြိုးတိုးတက်လာတာနဲ့အမျှ အရာရာဘက်စုံဖွံ့ဖြိုးလာမှာဧကန်မလွဲပါပဲ။ ဒါ့ကြောင့် ကိုယ်နဲ့ထိုက်လို့ ရလာတဲ့ အခွင့်အလမ်းတစ်ရပ်ကို
တန်အောင်အသုံးပြုပေးကြပါလို့တိုက်တွန်းလိုက်ရပါကြောင်း။ ။
