ဆုပေးစနစ်
ဘယ်အလုပ်မဆိုအောင်မြင်မှုပန်းတိုင်ရောက်ရှိရန် ဂုဏ်ပြုချီးကျူးတဲ့အနေနဲ့ ဆုပေးတယ်ဆို ရင်ဆွဲဆောင်မှုရှိတဲ့အတွက်အဲဒီအလုပ်ကိုလူတိုင်းအလိုလို ကြိုးစားဆောင်ရွက်ချင်စိတ်ရှိတာ
ဓမ္မတာပါပဲ။စာသင်ကြားရာမှာလည်းထူးချွန်သူအောင်မြင်သူတွေကိုအသိအမှတ်ပြု၊ချီးကျူးဂုဏ်ပြုတဲ့အနေနဲ့ဆုပေးတဲ့စနစ်ကလေးတွေထားလိုက်ရင် ကျောင်းသားများအတွက်လည်းဆွဲ
ဆောင်မှုရှိ၊ သင်ရတဲ့ ဆရာအတွက်လည်းမက်လုံးပေးနိုင်တဲ့အတွက်နှစ်ဦးနှစ်ဖက် ကျေနပ်နှစ်သိမ့်ကြမှာ ဖြစ် တယ်။
၁။ တပည့်များဆုများရွေးချယ်ပါစေ
ဆုပေးတယ်ဆိုရာမှာတစ်ခုတည်းပေးတာမျိုးမဟုတ်ဘဲထူးချွန်မှုအနည်းအများအလိုက်ပထမ၊ဒုတိယ၊တတိယစသည်ဖြင့်အဆင့်ခွဲခြားပြီးသတ်မှတ်ပေးထားရပါမယ်။ ကျောင်းသူ ကျောင်း
သား များက ထူးချွန်မှုမှာ တစ်ဦးနှင့်တစ်ဦးမတူညီကြတဲ့အတွက် ပိုတော်တဲ့ကျောင်း သားတွေကို ပိုပြီးမြင့်တဲ့ ဆုတွေချီးမြှင့်ရမယ်။ဆုချီးမြှင့်ရာတစ်ဦးတစ်ယောက်ချင်း အလိုက်ဖြစ်စေ၊
အတန်းခွဲအလိုက်ဖြစ်စေဆုသတ်မှတ်နိုင်ပါတယ်။ဘယ်လိုဆုတွေချီးမြှင့်စေချင်တယ်ဆိုတာတပည့်များအား ရွေးချယ်ဆန္ဒ ပြုစေနိုင်ပါတယ်။ဆုဟာတကယ်တော့ကျောင်းသူကျောင်းသား
များအားစာကြိုးစားချင် စိတ် ပေါက် လာအောင် ဆွဲဆောင်ပေးနိုင်သော မက်လုံးဖြစ်တဲ့အတွက် ဆရာအနေနဲ့တပည့်များကို စာကြိုးစား ကြ၊ စာကျက်ကြအားထုတ်ကြဆိုပြီး သီးသန့်
ဆုံးမစကားပြောစရာမလိုလောက်အောင်ပင်ဖြစ်စေနိုင် ပါတယ်။
၂။ ကျရှုံးသူကို အားပေးမြှင့်တင်ပါ
တပည့်ဆိုတာအမျိုးမျိုးရှိတဲ့အတွက် အမှားပြုလုပ်မိသောသူတွေလည်း ရှိနိုင်ပါတယ်။ ဒါပေမဲ့ အဲ့ဒီ အမှားကြောင့်စာမေးပွဲကျရှုံးသွားရတယ်ဆိုတာမျိုး စိတ်ဓာတ်ကျသွားစေတာမျိုး မဖြစ်စေ
သင့်ပါဘူး။သူတို့အားဘယ်နေရာတွေမှားနေတယ်ဆိုတာမြင်လာအောင်ပြပေးရမယ်။အတွေ့အကြုံ တွေထဲမှာသင်ခန်းစာယူနိုင်စေရမယ်။ဘာကြောင့်အမှားရလဒ်တွေထွက်လာရတယ်
ဆိုတာရှင်းပြပေးနိုင်ရမယ်။ သူတို့ကို နောက်တစ်ကြိမ် ပြန်လည်ကြိုးစားခွင့်ပေးရမယ်။ မှန်ကန်အောင်ဘယ်လိုလုပ်ရမလဲဆိုတာ ညင်သာစွာရှင်းလင်းပြောပြပေးရမယ်။
မှားတယ်စာမေးပွဲကျတယ်ဆိုပြီးဆူပူငေါက်ငမ်း၊ ပြစ်တင်ရှုတ် ချတာထက်အမှားကိုပြင်ပေးဖို့ ကြိုးစားရမယ်။ စိတ်ဓာတ်ကျစေသောစကားလုံးတွေ အတတ်နိုင် ဆုံးမသုံးပါနဲ့။
အကြိမ်ကြိမ်ကြိုးစားအားထုတ်မှုကို ကျွမ်းကျင်မှုတွေရရှိ လာမှာဖြစ်ကြောင်း၊ အမှားတစ်ခု ကကံကောင်းသွားခြင်းကြောင့်သို့မဟုတ်မတော်တဆမှန်ကန်သွားခြင်းကြောင့် အောင်မြင်တာ
ထက်ပိုပြီး ကောင်းသေးတယ်ဆိုတာ ရှင်းပြနိုင်ပါတယ်။ ကောင်းစွာနားမလည်ဘဲအောင်သွားတာထက် မှားတာကမှတော်သေးတယ်။ မှားရင်အမှန်ကို နားလည်အောင်
လုပ်ပြီးအောင်မြင်သွားကာမှပို ကောင်းတဲ့အကြောင်းရှင်းပြရပါမယ်။
၃။ လူထုအဖွဲ့အစည်းမှချီးမြှင့်သောဆု
ဆုဆိုရာမှာမိမိအားသင်ကြားပေးနေသောဆရာသို့မဟုတ် ကျောင်းတစ်ခုတည်းကချီးမြှင့်သည့်ဆုမျိုးသာလျှင်မကလူမှုအဖွဲ့အစည်းသို့မဟုတ်ပညာရေးဌာနသို့မဟုတ်ပညာရေးဖောင် ဒေး
ရှင်းစတဲ့လူထုအဖွဲ့အစည်းတစ်ခုခုကပေးအပ်ချီးမြှင့်တာမျိုးလည်းရှိပါတယ်။ဥပမာသင်္ချာရည်ချွန်ဆုလိုဟာမျိုး၊ဘက်စုံထူးချွန်ကျောင်းသားရလိုဟာမျိုးရှိပါတယ်။ဒီလိုအဖွဲ့အစည်းတွေကေ
ပးအပ်သောဆုတွေကလည်းသင်ကြားပေးမှုအတွက်မက်လုံးတွေဖြစ်ပါတယ်။ ကျောင်းအလိုက် ပေးသောဆု၊ မြို့နယ်ဆု၊ခရိုင်ဆုစသည်ဖြင့်လည်းရှိပါတယ်။သဘာဝပတ်ဝန်းကျင်နဲ့ပတ်
သက်တဲ့ ဆိုမျိုးတွေလည်း ဆွဲဆောင်မှုအများကြီးရှိပါတယ်။ သဘာဝ ပတ်ဝန်းကျင်နဲ့ ပတ်သက်တဲ့အကြောင်းအရာတွေဟာကျောင်းသူကျောင်းသား များတကယ့်
လူလောကထဲဝင် ရောက်လာတဲ့အခါ အများကြီးအသုံးဝင်မှာဖြစ်တယ်။ကျောင်းအလိုက်ပြိုင်ရတဲ့ဆုမျိုးတွေဆိုရင် ကျောင်းသူကျောင်းသားအချင်းချင်း
ပူပေါင်း ဆောင်ရွက်ရတာမျိုးဖြစ်တဲ့အတွက်ရလဒ်တွေလည်းပိုကောင်းတယ်။ အချင်းချင်းလည်း စည်းလုံးညီ ညွတ်တွေဖြစ်စေပါတယ်။
စွမ်းဆောင်ရည်တွေလည်းပိုပြီးတိုးတက်လာစေပါတယ်။
ဒေါက်ထွေး(ဆေး-မန်း)
