သူငယ်တန်းကို ဘယ်လိုစတင် သင်ကြားမှာလဲ
(၁)
“သူငယ်ချင်း-မင်းတို့ပညာရေးမှာငါနားမလည်တာ တစ်ခုရှိတယ်၊ ငါပဲဘာသာပြန်အားနည်း တာလား၊ ဉာဏ်မမီတာလား၊ ပညာရေးနဲ့အလှမ်းကွာဝေးနေလို့လားမသိဘူး”ဟု အစချီကာ၊ သူမ ရှင်းလင်းတာတွေကို တစ်ခုပြီးတစ်ခုမေးတော့တာပါပဲ။
“မူလတန်းဖတ်စာအုပ်မျက်နှာဖုံးတွေမှာအင်္ဂလိပ်လိုရေးတော့တစ်မျိုး၊ မြန်မာလိုရေးတော့တစ် မျိုး၊ အဲဒါဘယ်လိုဖြစ်တာလဲ”
“ဘာကိုပြောတာလဲ”
“ဒီလိုလေကွာ၊ အင်္ဂလိပ်လိုရေးတော့Grade -1 မြန်မာလိုရေးတော့ သူငယ်တန်းတဲ့၊ အင်္ဂလိပ် လိုရေးတော့ Grade -2 မြန်မာလိုရေးတော့Grade -3 မြန်မာလိုရေးတော့ ဒုတိယတန်းတဲ့လေ။ မျက် စေ့လည်တယ် သူငယ်ချင်းရယ်၊ သူငယ်တန်းကိုKindergarten လို့ ခေါ်တာ မဟုတ်ဘူးလား”လို့ ရင်ထဲမရှင်းသမျှ ဖွင့်ချတော့ပါတော့တယ်။
“တစ်ခေတ်တစ်ခါက ပညာရေးကိုနိုင်ငံတကာ အဆင့်မီစေချင်လို့ ၁၁တန်းအထိတိုးသွား အောင်ကြံဆပြီး ပြောင်းလဲခဲ့တာထင်ပါရဲ့၊ခေတ်မီတိုးတက်တဲ့နိုင်ငံတွေရဲ့ ပညာရေးဖွဲ့စည်းပုံတွေက ၆း ၃း ၃ပုံစံတို့နဲ့ ၆း ၄း ၂ ပုံစံတို့ ၅း ၄း ၃ပုံစံတို့နဲ့ အခြေခံပညာရေုးကို ၁၂ နှစ်ထိသင်ကြားနေတာ။ သူငယ်တန်းမပါဘူးနော်။မြန်မာနိုင်ငံမှာက သူငယ်တန်းပါပါမှ ၅း ၄း၂ စနစ်ဖြစ်ပြီးအတန်းကတော့ ၁၀တန်းအထိပဲ သင်နေတာဆိုတော့၁၂ တန်းမဖြစ်တောင် ၁၁တန်းတော့ နိုင်ငံတကာမှာပြမှဆိုပြီး မူလတန်းကို GRADE – 1 လုပ်လိုက်တော့၁၁တန်းအထိဖြစ်သွားတယ်လေ၊ နိုင်ငံတကာနဲ့သိပ် မကွာတော့ဘူးပေါ့။ ကိုယ့်နိုင်ငံရဲ့ ပညာရေးမျက်နှာမငယ်ရအောင်၊မနိမ့်ကျဘူးဆိုတာပြတဲ့အနေနဲ့ နာမည်ပြောင်းပြီး မြှင့်ပေးလိုက်တယ် ထင်တာပါပဲ”။
“ပိုကောင်းအောင် ပြောင်းလဲလိုက်တာလို့ ယူဆပါတယ်။ ဒါပေမဲ့လွဲတော့လွဲနေတယ်လို့မြင်တယ်။ တခြားနည်းလမ်း၊ ဒါထက်ကောင်းတဲ့နည်းလမ်း၊ ရှာမတွေ့လို့ ထင်ပါတယ်”လို့ သူငယ်ချင်းက ဘဝင်မကျတဲ့လေသံနဲ့ ပြောပါတယ်။ ကျွန်တော့်သူငယ်ချင်းလိုပဲ ဘဝင်မကျတဲ့သူတွေရှိနိုင်ပါတယ်။
(၂)
ဒီခေတ်ဒီစနစ်မှာတော့အခြေခံပညာရေးဖွဲ့စည်းပုံကို KG+ 5 : 4 : 3 ပုံစံနဲ့ ပြောင်းလဲကျင့်သုံးဖို့ စီစဉ်ဆောင်ရွက်လျက်ရှိကြောင်းသိရပါတယ်။ သူငယ်တန်းအပါအဝင် ပညာသင်နှစ် ၁၃ နှစ်ရှိမယ်ဆို တဲ့ သဘောပါ။ သူငယ်တန်းဟာ သူငယ်တန်းသာဖြစ်ပြီးGRADE – 1 ဟာ GRADE – 1 ဖြစ်ပါတယ်။ ကလေးတွေရဲ့အသက်အရွယ်ဖွံ့ဖြိုးမှုအပေါ်အခြေခံပြီး သင်ရိုးတွေကိုလည်းအတန်းလိုက်အဆင့်လိုက် ပြုပြင်ပြောင်းလဲရေးဆွဲနေကြပါပြီ။
သူငယ်တန်းဆိုတာ ၅နှစ်ပြည့်ပြီးကလေးများအတွက် မူလတန်းအဆင့်ပညာရေးရဲ့ အခြေခံ အတန်းဖြစ်ပါတယ်။
ကျွန်တော်တို့ငယ်ငယ်တုန်းကသူငယ်တန်းလေး၊ သူငယ်တန်းကြီးဆိုပြီး တက်ခဲ့ရပါတယ်။ စာ လိုက်နိုင်တဲ့ကျောင်းသားတွေ၊အခြေခံကောင်းတဲ့ကျောင်းသားတွေဆိုရင် သူငယ်တန်းလေးကို ၆လ လောက်ပဲတက်ရပြီး သူငယ်တန်းကြီးကိုတက်သွားကြတာပါပဲ။အဲဒီတုန်းကသာ သူငယ်တန်းလေးကို GRADE – 1 သူငယ်တန်းကြီးကို GRADE – 2 ဆိုရင် ၁၂တန်းပညာရေးအဲဒီကတည်းကစတယ်လို့ ပြောလို့ရတာပေါ့။ ဒါဆိုနိုင်ငံတကာအဆင့်မီတယ်လို့ ပြောရမှာပါ။ ဒါပေမဲ့ပညာရေးမှာ သူငယ်တန်း ဆိုတာ ပျောက်လို့မရဘူးလေ။ သူငယ်တန်းကို ပယ်ဖျက်လို့မရလို့ အင်္ဂလိပ်လိုGRADE -1 ရေးပြီး မြန်မာလိုသူငယ်တန်းလို့ခေါ်ခဲ့တာဖြစ်မယ်။
သူငယ်တန်းသင်ကြားမယ့်အစီအစဉ်ကို ကျောင်းသားမိဘများ စိတ်ဝင်စားကြတယ်ခင်ဗျ။
- ဘယ်ပညာသင်နှစ်မှာစတင်သင်ကြားမှာလဲ။
- ဘယ်ဘာသာရပ်တွေ သင်ကြားမှာလဲ။
- ဘယ်သူတွေက သင်မှာလဲ……..စသည်ဖြင့်ပေါ့။
သင်ရိုးညွှန်းတမ်းအသစ်နဲ့သူငယ်တန်းကို စတင်သင်ကြားမယ့်ပညာသင်နှစ်ကတော့ ၂၀၁၆-၂၀၁၇ ပညာသင်နှစ်ဖြစ်တယ်လို့ သိရပါတယ်။မြန်မာနိုင်ငံမှာ မူကြိုသင်ယူမှုအခွင့်အလမ်းရရှိသူ ကလေးဦးရေမှာ ၂၂ဒသမ ၉ရာခိုင်နှုန်းသာရှိကြောင်းလေ့လာတွေ့ရှိရပါတယ်။ ဒါကြောင့်ကလေးများ မူကြိုအတွေ့အကြုံရှိသည်ဖြစ်စေ၊ မရှိသည်ဖြစ်စေ၊ကျောင်းကိုရောက်လာတဲ့ ၅နှစ်အရွယ်ကလေး အားလုံး သင်ယူမှုအခွင့်အလမ်း တစ်ပြေးညီရရှိစေပြီးမူလတန်းပညာရေးကို အကူးအပြောင်းချောမွေ့ စွာ တက်ရောက်သင်ကြားနိုင်စေရေးအတွက် သူငယ်တန်းသင်ရိုးသစ်နဲ့စတင်သင်ကြားမှာဖြစ်တယ် လို့ သိရပါတယ်။
သူငယ်တန်းဟာ သူငယ်တန်းပါပဲ။ GRADE – 1 မဟုတ်တော့ပါ။
(၃)
သူငယ်တန်းသင်ရိုးဟောင်းနဲ့သင်ရိုးသစ် ဘယ်လိုကွာခြားမရှိပါသလဲ။ သိထားဖို့လိုအပ်ပါ တယ်။
ယခင်သူငယ်တန်းသင်ရိုးဟာမြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ စာရိတ္တ၊ ဘဝတွက်တာ ကျွမ်းကျင်စရာစတဲ့ ဘာသာရပ်များအပေါ်အခြေခံပြီး၊အခုအကောင်အထည်ဖော်ဆောင်ရွက်မဲ့ သင်ရိုး သစ်မှာ ကျောင်းသုံးဖတ်စာအုပ်ကို အသုံးမပြုဘဲကလေးတွေရဲ့ အသက်အရွယ်နဲ့အညီ ဖွံ့ဖြိုးမှုများ ရရှိအောင် ခေါင်းစဉ်အလိုက်ဆောင်ရွက်ရမယ့်သင်ရိုးပုံစံဖြစ်ပါတယ်။ သင်ကြားသင်ယူမှုလုပ်ငန်းများကောင်းမွန်စေရန် ၅နှစ်အရွယ်ကလေးများနှင့် ကိုက်ညီတဲ့ KG – Kits တွေ၊ ပုံပြင်စာအုပ်အမျိုးမျိုးကိုလည်း အသုံးပြုသင်ကြားသွားမယ်ဆိုတာလည်း သိရပါတယ်။
သူငယ်တန်းကလေးများရဲ့အသက်အရွယ်ဖွံ့ဖြိုးမှုတို့နဲ့ လိုက်လျောညီထွေရှိမဲ့ သင်ယူဖွံ့ဖြိုးမှု နယ်ပယ် ၆ခုရှိပါတယ်။
(၁) ကိုယ်စိတ်နှစ်ဖြာ ကျန်းမာချမ်းသာခြင်းနယ်ပယ်၊
(၂) စာရိတ္တ၊ မိတ္တနဲ့စိတ်လှုပ်ရှားမှုဆိုင်ရာ ဖွံ့ဖြိုးတိုးတက်မှုနယ်ပယ်၊
(၃) အပြန်အလှန်ပြောဆိုဆက်သွယ်မှုနယ်ပယ်၊
(၄) သင်္ချာအခြေခံများကို စူးစမ်းလေ့လာတတ်မှုနယ်ပယ်၊
(၅) အနုပညာရသခံစာမှုနဲ့ ဖန်တီးမှုနယ်ပယ်
(၆) ပတ်ဝန်းကျင်လောကကိုသိရှိနားလည်စူးစမ်းလိုမှု နယ်ပယ်တွေဖြစ်ပါတယ်။
အဲဒီလို သတ်မှတ်ထားတဲ့နယ်ပယ်တွေအရသူငယ်တန်းမှာတစ်နှစ်လုံးသင်ကြားဖို့ လျာထား တဲ့အကြောင်းအရင်းခေါင်းစဉ်တွေကိုလည်း ယေဘုယျအားဖြင့်အောက်ပါအတိုင်း သတ်မှတ်ထား ကြောင်း လေ့လာသိရှိရပါတယ်။
၁။ မိမိအကြောင်း၊၂။ မိသားစုအကြောင်း၊ ၃။ တို့ကျောင်း၊ ၄။ မိမိတို့ရပ်ရွာဒေသအကြောင်း၊ ၅။ အပင်များအကြောင်း၊၆။ ငါးများ၊ ၇။ ငှက်များ၊ ၈။ ပိုးမွှားများ၊ ၉။ နို့တိုက်သတ္တဝါများ၊ ၁၀။ ရာသီဥတု၊ ၁၁။ပွဲတော်များ၊ ၁၂။ ဈေး၊ ၁၃။ ရေ၊ ၁၄။ အိမ်များ၊ ၁၅။ သယ်ယူပို့ဆောင်ရေး၊ ၁၆။ အားကစား၊၁၇။ ပန်းချီနှင့်ကဗျာတို့ကို ဘာသာရပ်သင်ကြားတဲ့ပုံစံမျိုးမဟုတ်ဘဲ အကြောင်းအရာများ အခြေပြုပေါင်းစပ်သင်ကြားခြင်းကိုအသုံးပြုသင်ကြားသွားမယ်လို့လည်း သိရှိရပါတယ်။
သူငယ်တန်းကလေးများနေ့စဉ်သင်ယူဆောင်ရွက်ရမယ့် အဓိကလုပ်ငန်း ၃မျိုးကတော့ ပုံမှန် စုပေါင်းချိန်၊ ကစားချိန်နဲ့အကြောင်းအရာခေါင်းစဉ်များကိုသင်ကြားချိန်တို့ ရှိမှာဖြစ်ပါတယ်။
တစ်နေ့စာသင်ချိန် ၄နာရီ၊ တစ်ပတ်စာသင်ချိန် ၂၀နာရီ၊ တစ်နှစ်မှာစာသင်ချိန်ပေါင်း ၆၄၀ နာရီဖြစ်ပါတယ်ခင်ဗျ။
(၄)
သူငယ်တန်းကလေးတွေကိုဘယ်သူက သင်ပေးမှာလဲဆိုတာကိုလည်း မေးကြမြန်းကြပါ တယ်။ ဝါရင့်ကမ္ဘာရင့်ဆရာကြီးဆရာမကြီးများကကလေးတွေကို သင်ကြားသင့်တယ်ဆိုပြီး ပြောသူ ကပြော။ ငယ်ငယ်ရွယ်ရွယ်၊ သွက်သွက်လက်လက် ဆရာဆရာမတွေကသာ သင်သင့်တယ်လို့ ဆိုသူ ကဆို။ သူ့အကြောင်းပြချက်နဲ့သူကတော့ မှန်နေတာပါပဲ။
တကယ်တော့ သူငယ်တန်းကလေးတွေကိုစိတ်ဝင်စားပြီးအမှန်တကယ်တာဝန်ယူနိုင်မယ့် ဆရာဆရာမတွေ၊ သူငယ်တန်းဆရာဆရာမတွေမှာရှိရမယ့် အရည်အချင်းနဲ့အရည်အသွေးရှိသူတွေ၊ သူငယ်တန်းသင်ရိုးနဲ့ ချဉ်းကပ်ဆောင်ရွက်သည့်နည်းလမ်းများကို သင်တန်းတက်ရောက်ပြီးသူတွေကို သာ တာဝန်ပေးသင့်ပါတယ်။ ရေရှည်မှာတော့ လုပ်ငန်းခွင်ဆရာ့အတတ်သင်တန်းများနဲ့လုပ်ငန်းခွင် အကြိုဆရာအတတ်သင်တန်းများမှာ သူငယ်တန်းဆိုင်ရာ မော်ဂျူးများရေးဆွဲသင်ကြားရပါမယ့်။သူ ငယ်တန်းဆရာအတတ်ပညာဆိုင်ရာ မော်ဂျူးများရေးဆွဲသင်ကြားရပါမယ်။ သူငယ်တန်းဆရာ အ တတ်ပညာဆိုင်ရာဒီပလိုမာများ၊ ဘွဲ့ဒီဂရီများပေးနိုင်တဲ့အထိ ဆောင်ရွက်ကြရပါမယ်။ သူငယ်တန်း ဆရာဆရာမများရဲ့ကျွမ်းကျင်မှုအခြေပြုမူဘောင်ကို အခြေခံပြီး သူငယ်တန်းမှာပဲ ရာထူးအဆင့်ဆင့် တိုးမြှင့်ပေးတဲ့စနစ်ကိုအကောင်အထည်ဖော်ကြရမှာ ဖြစ်ပါတယ်။
ရှေးဦးကလေးသူငယ်ပြုစုပျိုးထောင်ရေးဆိုင်ရာ ဒေါက်တာဘွဲ့ရတဲ့ဆရာဆရာမတွေ၊ သူငယ် တန်းမှာသင်တဲ့ အချိန်ရောက်အောင်ကြိုးပမ်းဆောင်ရွက်ကြရမှာ ဖြစ်ပါတယ်။၂၀၁၆-၂၀၁၇ ပညာသင် နှစ်မှာ သူငယ်တန်းကို စတင်သင်ဖြစ်မယ်ဆိုရင် စာကိုပဲသင်ကြားပေးစေလိုတဲ့မိဘများအကြိုက် လိုက်ပြီး ရှေးရိုးစွဲဆရာဆရာမများက ပြဋ္ဌာန်းထားတဲ့သင်ရိုးညွှန်းတမ်းကိုမျက်ကွယ်မပြုကြဖို့ မေတ္တာ ရပ်ခံအပ်ပါတယ်ခင်ဗျား။ ။
