တပည့်များ၏တုံ့ပြန်မှုကိုနားထောင်ပါ
(၁) တပည့်များအား မိမိ၏သင်ကြားပို့ချမှုနှင့်ပတ်သက်၍မေးမြန်းပါ
သင်ကြားပို့ချတယ်ဆိုတာ ငါ့မြင်းငါ့စိုင်း စစ်ကိုင်းရောက်ရောက်တစ်ဘီးတည်းလှိမ့်နေလို့ပြီးတဲ့ကိစ္စမဟုတ်ပါဘူး။ မိမိရဲ့သင်ကြားပို့ချမှုများအပေါ် တပည့်ကျောင်းသားများက ဘယ်လိုသဘော ထားသလဲ။နားလည်ပုံပေါက်ရဲ့လားဆိုတာ၊ သဘောကျနှစ်ခြိုက်ပုံပေါက်ရဲ့လားဆိုတာ သူတို့ကိုပြန် မေးကြည့်ဖို့သင့်ပါတယ်။ မမေးဘဲမိမိစိတ်ကူးပေါက်သလိုဆက်ပြီး သင်နေမယ်ဆိုရင် ခုတ်ရာတခြား ရှရာတလွဲဖြစ်နေတက်တယ်။
တပည့်ကျောင်းသားတွေကို မိမိသင်ကြားပို့ချမှုနဲ့ ပတ်သက်ပြီးသူတို့စိတ်ထဲမှာရှိတဲ့အတိုင်းပြောဆိုရင်းအားပေးပါ လွတ်လွတ်လပ်လပ်မှတ်ချက်ပေးခိုင်းပါ။ ဒါ့အပြင် မိမိရဲ့သင်ခန်းစာနဲ့ပတ်သက်ပြီး သိသင့်သိထိုက်တာတွေ သူတို့ရသွားကြရဲ့လားဆိုတာလည်း မေးကြည့်မှသိနိုင်မှာဖြစ်တယ်။
စာသင်ခန်းထဲမှာ ဆရာကပို့ချပေးမှု၊ သရုပ်ပြပေးမှုကိုတပည့်များကပါးပါးနပ်နပ်ရှိစွာ လက် ခံနိုင်စွမ်း၊ ရယူနိုင်စွမ်းရှိရဲ့လား၊ ဘာတွေက မှားတယ်၊ ဘာတွေကမှန်တယ်ဆိုတာ သိဖို့လိုပါတယ်။
ဆရာအနေနဲ့ တပည့်တစ်ဦးတစ်ယောက်ချင်းကို အမည်တပ်ပြီးတော့ပဲဖြစ်ဖြစ်ပုဂ္ဂလိကဆန် ချင်ဆန်ပါစေ မေးကြည့်တာမျိုးလုပ်ကြည့်နိုင်ပါတယ်။ သို့မဟုတ်ရင်လည်းမည်သူမည်ဝါရယ်လို့ညွှန်း ဆိုခြင်းမရှိဘဲ တစ်စုံတစ်ယောက်ယောက်က ဖြေနိုင်တယ်ဆိုတဲ့ မေးခွန်းမျိုးမေးနိုင်ပါတယ်။ဒါမှမဟုတ် မေးခွန်းတိတိကျကျရယ်လို့မဟုတ်ဘဲ ထွင်ပြီးမေးခိုင်းတာမျုိးလည်း လုပ်နိုင်ပါတယ်။ဒါမှသာ တပည့် ကျောင်းသားတွေအနေနဲ့ ကိုယ့်ရဲ့သင်ကြားပို့ချမှုအပေါ်မှာ ဘယ်လိုတွေ သဘောထားနေကြသလဲဟူ သောအချက်ကို သိရှိနိုင်မှာဖြစ်ပါတယ်။
(၂) မိသားစုဝင်များထံမှလည်း သဘောထားမှတ်ချက်တောင်းပါ
တပည့်ကျောင်းသားများ၏ မိဘအုပ်ထိန်းသူများထံမှလည်းမိမိရဲ့သင်ကြားပို့ချမှုနဲ့ပတ်သက်ပြီး သဘောထားမှတ်ချက်တောင်းသင့်ပါတယ်။ မိဘအုပ်ထိန်းသူတွေကဆရာ့အတန်းတက်ပြီးကတည်း က ကျောင်းသားမှာ စွမ်းရည်တွေတိုးတက်လာတာမျိုး၊ မိမိကိုယ်ကိုမိမိယုံကြည် မှုပိုမြင့် လာတာမျိုး သို့မဟုတ် လူမူဆက်ဆံရေးကျွမ်းကျင်မှုများ တိုးတက်ရရှိလာမှုစသည်တို့ကိုသတိပြုမိကောင်းပြုမိ နိုင်ပါလိမ့်မယ်။ ဒါမှမဟုတ်ကျောင်းသားရဲ့အရည်အချင်းနဲ့ စွမ်းရည်ကျသွားတာမျိုးကိုသတိပြုမိနိုင်ပါ တယ်။ ယခုလို အပြင်ကလူတစ်ယောက်ကရှုမြင်သိရခြင်းအားဖြင့် တပည့်၏ကျောင်းတွင်းနှင့်ကျောင်း ပြင်တိုးတက်မှုတွေကို သိနိုင်ပြီးကြုံတွေ့နေရတဲ့ပြဿနာများကိုလည်း ကူညီဖြေရှင်းပေးနိုင်မှာဖြစ် ပါတယ်။ ဆရာကမမြင်ခဲ့၊ မသိခဲ့တဲ့ပြဿနာကို သိလာနိုင်ပါတယ်။
ကိုယ်တိုင်ပါဝင်လှုပ်ရှားနေသူတွေထက် ဘေးကကြည့်နေသူကပိုပြီးမြင်တတ်တာ သဘာဝ ဖြစ်ပါတယ်။ ဆရာနှင့် တပည့်အကြား ပေါ်ပေါက်နေလေ့ရှိသော အတားအဆီးအခက်အခဲတွေကိုဘေးမှာထိုင်ကြည့်သူဖြစ်တဲ့ မိဘအုပ်ထိန်းသူတစ်ဦးဦးက မြင်တွေ့နိုင်ပါတယ်၊ ထောက်ပြနိုင်ပါတယ်။ဒါ့ကြောင့် စာသင်ကောင်းသူတစ်ဦးဖြစ်ချင်တယ်ဆိုရင် တပည့်ကျောင်းသားများရဲ့ မိသားစုဝင်များထံမှရှုမြင်ပုံကိုရယူသင့်ပါတယ်။
(၃)သင့်အထက်လူကြီးထံမှ သဘောထားအမြင်တောင်းခံပါ
ကျောင်းတစ်ကျောင်းမှာ တာဝန်ထမ်းဆောင်နေသောလက်ထောက်ကျောင်းဆရာတစ်ဦးမှာ သူ့အထက်တွင် အဆင့်ဆင့်သော ရာထူးကြီးတဲ့ဒုတိယကျောင်းအုပ်တို့၊ကျောင်းအုပ်တို့လို ပုဂ္ဂိုလ် တွေရှိပါတယ်။ စာအသင်ကောင်းတယ်ဆိုတဲ့ ကျောင်းဆရာကြီးတွေရဲ့လက်အောက်မှာတာဝန်ထမ်း ဆောင်နေရသော ကျောင်းဆရာတစ်ဦးအဖို့ မိမိရဲ့သင်ကြားပို့ချပို့နည်းစနစ်နဲ့ပတ်သက်ပြီးကိုယ့်ထက် အတွေ့အကြုံဝါရင့်သောဆရာများ၊ ကျောင်းအုပ်များကို မိမိ၏သင်ကြားပုံနဲ့ပတ်သက်တဲ့မှတ်ချက် သဘောထားကို တောင်းခံနိုင်ပါတယ်။
စာသင်ခန်းထဲမှာတပည့်များအား သင်ကြားပို့ချနေပုံကို ဘေးမှစောင့်ကြပ်ကြည့်ရှုလေ့လာပြီး လိုအပ်ချက်တွေကိုစာသင်ချိန်ပြီးတဲ့အခါ ထောက်ပြဆွေးနွေးပေးရန်မေတ္တာရပ်ခံသင့်ပါတယ်။ ဝါရင့် ဆရာကြီးများအားလွတ်လွတ်လပ်လပ်နဲ့ ဝေဖန်ထောက်ပြခိုင်းပါ။ ဒီမှာတစ်ခု သတိရစေချင်တာ ကတော့မိမိအား ဝေဖန်ထောက်ပြမှုနဲ့ပတ်သက်ပြီးစိတ်ဆိုးခြင်း၊ စိတ်ပျက်ခြင်းမဖြစ်စေဘဲ ပွင့်ပွင့် လင်းလင်း၊ ရင်းရင်းနှီးနှီးနဲ့ဝေဖန်စေရန်ခွင့်ပြုထားဖို့ပဲဖြစ်တယ်။ သို့မှသာ တကယ့်အဖြစ်မှန်ကို သိရှိ ရပြီး ပြုပြင်စရာရှိတာတွေပြုပြင်သွားနိုင်မှာ ဖြစ်ပါတယ်။
ဒေါက်ထွေး(ဆေး-မန်း)
