ကျောက်ကောင်းတစ်ပွင့်ရဲ့ ဒဏ္ဍာရီ
မကြာခင်သောကာလ၊ ကျွန်တော့်အိမ်သို့ ရင်ခေါင်းနှင့်အဆုတ်အထူးကုဆရာဝန်ကြီးဒုတိယ ဗိုလ်မှူးကြီး ဒေါက်တာလွင်ကိုရောက်လာပါသည်။ ဆရာသည်မိတ္တီလာရောက်တိုင်း ကျွန်တော့်ရဲ့ကျန်းမာရေးကိုဝင်ရောက်ကြည့်ရှုအားပေးနှစ်သိမ့်သော ဆရာဖြစ်သည်။ ဆရာသည် ကျွန်တော့် အားပထမဦးဆုံးကျွန်တော့်ရင်ထဲမှာရှိသော ခံစားချက်များ၊ အတွေ့အကြုံများကို စာရေးသားရန် အားပေးတိုက်တွန်းသောမူလဆရာတစ်ဦးလည်း ဖြစ်ပါသည်။
ဆရာရောက်စဉ် Education Digest ပါ “ဆရာများ၏ဥယျောဇဉ်”ကိုပေးဖတ်ရာမှဆရာက ဆရာ(၃)ဦးစလုံး၏ရေးသားတိုက်တွန်းချက်များသည် အလွန်ကောင်းမွန်ကြောင်း၊ခင်ဗျားဒါကြောင့် ဒီလိုဆရာများရဲ့သွန်သင်မှုကြောင့် စာပေရေးသားခြင်းပညာတတ်မြောက်သဖြင့်ကျွန်တော်ရေး သောစာများသည် သုတရသဖြင့် စာဖတ်သူများရင်ထဲကို တစ်ခုခုMessage ပေးစေလိုသောဆန္ဒများပါကြောင်း၊ ယခုမင်းငယ်စဉ်ကတွေ့ရှိရသောဆရာများ၏ကျေးဇူးကြောင့် စာရေးဆရာဆရာဝန်ကောင်းဖြစ်လာသဖြင့် မြန်မာနိုင်ငံစာရေးဆရာများအသင်းဝင်ရောက်ရန်လည်း တိုက်တွန်းခဲ့ပါသည်။
တကယ်တော့ ကျွန်တော့်ရဲ့ငယ်ဆရာများ၏ကျေးဇူးကို အမြဲတမ်းတအောက်မေ့လျက်စာရေး ဆရာကောင်းဖြစ်ရန်မူလအစဖြစ်သော ကျွန်တော့်အားမြန်မာစာကို သင်ပေးသောဆရာ၊ ဆရာမများအကြောင်းရေးသားတင်ပြပါမည်။
ကျွန်တော်ငယ်စဉ်က ပုသိမ်မြို့၊ RCM ကျောင်းအပ်စဉ်က သူငယ်တန်းသင်ပေးသောပထမ ဆရာမမှာတီချယ်မာရီယာဖြစ်ပြီး တီချာကုလားမလေးဟုသာ တစ်မြို့လုံးသိပါသည်။ အဲဒီအချိန်ကဆရာမသည် ကျွန်တော်လက်ကလေးကိုကိုင်ပြီး ဝလုံး၊ က၊ ခ၊ ဂ၊ မှအစ ABC အဆုံး (၁)တန်းအထိ သင်ပေးသောကျေးဇူးကိုကျွန်တော်ဘယ်တော့မှမမေ့ပါ၊ ယနေ့ထက်တိုင်သတိတရကျေးဇူးတင်ပါ သည်။ စာရေးတာသင်ပေးရုံမကစာဖတ်၊သတ်ပုံနှင့်တကွပုံပြင်ပါဖတ်စေပါသည်။ ကျွန်တော်ပုသိမ် ကိုဝန်ထမ်းဆရာဝန်အဖြစ် ရောက်သောအခါဆရာမရဲ့ကျေးဇူးကိုအပြည့်အဝဆက်နိုင်ခဲ့ပါသည်။ ဆရာမကလည်းသူငယ်တန်းမှစာသင်၍ကျွန်တော်အားဆရာဝန်အဖြစ်ပြန်တွေ့ရသောအခါအလွန်ဝမ်း သာပီတိဖြစ်ပါသည်။ သူ့ဘဝတွင်ကျောက်ကောင်းတစ်ပွင့်ကို မွေးထုတ်ခဲ့ပြီလို့ခံယူပါသည်။
ဒုတိယတန်းတွင် ကျွန်တော်သူငယ်ချင်း Edwin Peter အမေကမြန်မာစာသင်ပေးပါသည်။ဆရာမကို ကျွန်တော်မှတ်မိနေတာတစ်ခုက အဲဒီတုန်းက ဆရာမသည်အသက်(၄၀)ကျော်နေပါသည်။ ခေါင်းမှာဆံပင်တွေ တစ်ခေါင်းလုံးဖြူနေပါသည်။ အမြဲတမ်းလက်ကိုင်ပဝါလေးကိုအသုံးပြုပြီး Vick ပရုပ်ဆီဆွတ်ပြီးရှူနေပါသည်။တစ်ခါတစ်ရံကျားပရုပ်ဆီ (Tiger Bum) ဆွတ်ပြီး ရှူနေပါသည်။ ဆရာ မထူးခြားတာက ဆရာမစာသင်နေစဉ်မျက်နှာအမြဲတမ်းနဖူးနှင့်မေးစေ့တွေချွေးစို့နေတာ မှတ်မိပါ သည်။ ဆရာမသည် စာသင်ရာတွင် စိတ်ရှည်ပါသည်။ အေးအေးနှင့်အသံတိုးဖြင့်စာသင်ပါသည်။ဆရာမသည်သွေးတိုးနှင့် နှလုံးရောဂါရှိ၍စောစောဆုံးသွားသဖြင့် ကျွန်တော်ကန်တော့ခွင့် ဆုံးရှုံးခဲ့ပါသည်။
တတိယတန်းတွင် မြန်မာစာကို တီချယ်မာလေး၊ တီချယ်ရိုစီ၊ တီချယ်အိုင်ဒီယာတို့နှင့်စာသင်ခဲ့ရသည်။ ဆရာမသုံးဦးစလုံးသည် ညီအစ်မသားချင်းများဖြစ်၍ စာသင်ကောင်းပါသည်။ စိတ်စေတနာအပြည့်ဖြင့်သင်ပေးပါသည်။ယင်းကျောင်းတွင်စာသင်ပုံမှာ ကျောင်းသူကျောင်းသား များပျော်ရွှင်အောင်သာမက ဆရာမကိုချစ်ကြောက်ရိုသေအောင်သင်ပေးပါသည်။အပြစ်ရှိပါကအပြစ် ကိုအများရှေ့တွင် ဝန်ခံစေပါသည်။ ဆရာမသုံးဦးလုံးရဲ့ ကျေးဇူးကြောင့်ယင်းအတန်းတွင်ပြည်သူ့နီတိ ကိုကောင်းစွာနားလည်ပြီး အပြည့်အဝကျင့်သုံးနိုင်သဖြင့် တပည့်ကောင်းတစ်ယောက်အဖြစ်နေနိုင်ခဲ့ပါသည်။ ဒီအတွက် ဆရာမတွေကို ယခုထက်တိုင်ကျေးဇူးတင်ပါသည်။
စတုတ္တတန်းကိုတော့ ကျွန်တော့်အစ်ကိုနှင့် ABM, BBM အ.ထ.က(၃)ကိုပြောင်းတက်ခဲ့ ရသည်။ အဲဒီအတန်းမှာတွေ့ခဲ့သော အတန်းပိုင်ဆရာမဒေါ်ကျင်ရီနှင့် အတန်းသူအတန်းသားအားလုံးကို ယနေ့ထက်တိုင်မမေ့ပါ။ ကျွန်တော့ဘဝကို အပြောင်းအလဲတစ်ခုက အဲဒီအတန်းကဆရာမစာသင် ပေးတာလည်းတစ်စိတ်တစ်ပိုင်းပါဝင်ပြီး ဆရာမနှင့် သူငယ်ချင်းတွေအကြောင်းကို “တစ်ခါတုန်းကတို့ ဆရာမဒေါ်ကျင်ရီ”စာတစ်ပုဒ်ရေးဖို့စိတ်ကူးထားပါသည်။
ပဉ္စမတန်းမှာတော့ မြန်မာစာကို ဆရာမဒေါ်တင်တင်ညွှန့်နှင့် ဆရာမဒေါ်ဇံတို့သင်ပါသည်။ကျောင်းစတက်ပြီးမကြာခင်မှာ “မိဘကျေးဇူး”ကို စာစီစာကုံးရေးခိုင်းသောဆရာမနှစ်ယောက်စလုံးကအကောင်းဆုံးဆုပေးတာကို မှတ်မိပါတယ်။ ဆရာမဒေါ်တင်ညွှန့်က အဲဒီအချိန်ကအသက် (၂၀) လောက်ပဲရှိတယ်။စာသင်လည်းကောင်းတယ်၊ သဘောကောင်းတယ်။ အတန်းထဲမှာတစ်ခုခုဖြစ်ရင် ဆရာမကမဆူဘဲငိုချတာပဲ။အဲဒီတော့အတန်းသားတွေအားလုံး စိတ်မကောင်းဖြစ်ကြတယ်။ ဆရာမ ကစာမေးပွဲနီးရင် အိမ်မှာတပည့်များကိုစာခေါ်သင်ပေးတယ်။မြန်မာစာပေကို တန်ဖိုးထားအောင် သင်ပေးသောဆရာမတစ်ဦးပါ။ ကျွန်တော်ဆရာဝန်ဖြစ်တော့ ဆရာမကြီးဒေါ်ဇံမရှိတော့ပါ။ဆရာမ ဒေါ်တင်တင်ညွှန့်က သူ့ရဲ့အမျိုးသားဖြစ်သူ ဝန်ကြီးတာဝန်ထမ်းဆောင်ရာကို လိုက်နေရတော့ကျွန်တော်ကန်တော့ဖို့ အကြိမ်ကြိမ်ကြိုးစားသော်လည်း ဆရာမကိုနောက်ဆုံး စတုတ္တအကြိမ် ဆရာကန်တော့ပွဲမှာ တံတားကြီးတန်းအိမ်မှာ ကန်တော့ခဲ့ရတော့ ဆရာမဝမ်းသာအားရ ပီတိဖြစ်ခဲ့ရတယ်။
ဆဋ္ဌမတန်းမှာတော့ မြန်မာစာကို ဆရာမဒေါ်သန်းသန်းနှင့် သင်ရတယ်။ဆရာမအရပ်ပုပု နှင့်စာသင်အလွန်ကောင်းပါတယ်။ ဘယ်တော့မှမရိုက်ပါ။ စကားပြေအသင်အပြကောင်းတယ်။ဆရာမ အမျိုးသားကတော့ ဆရာဦးသန်းဦးပါ။ အထက်တန်း ရူပဗေဒကိုဂုဏ်ထူးထွက်အောင် သင်ပေးနိုင်သောဆရာပါ။ ဆရာကတော့ မရှိတော့ပါ။ ဆရာမကတော့ ရန်ကုန်မှာရှိပါတယ်။ ဆရာဆုံးတော့ ကျွန်တော်ဝမ်းနည်းကြောင်းဖက်စ်ပို့လိုက်ပါတယ်။ ဆရာဆရာမ နှစ်ဦးစလုံး ကျေးဇူးရှိထားပါတယ်။
အဋ္ဌမတန်းမှာတော့ ကျွန်တော်တို့ရဲ့ အတန်းပိုင်ဆရာမကတော့မြန်မာစာသင်သောဆရာမ ဒေါ်ရင်မေဖြစ်ပါတယ်။ စာသင်လည်းကောင်းတယ်။ သင်တာလည်းရှင်းတယ်။ တတ်အောင်သင်တယ်။ အဲဒီအချိန်ကကျောင်းတွေပြည်သူပိုင်သိမ်းတော့တရုတ်ကျောင်းက ကျောင်းသူကျောင်းသားတွေ ကျွန်တော်တို့အတန်းတွေရောက်လာတယ်။ ကျောင်းသူကျောင်းသားအသစ်တွေပေါင်းတော့သူတို့ဆီ ကပေသီးတွက်တာအပါအဝင် အက္ခရာသင်္ချာ၊ ဂျီဩမေတြီနှင့် သင်္ချာဘာသာရပ်တွေကို သူငယ်ချင်း၊ကုတ်စိန်၊ မြလွင်၊ ကျော်ဝင်း၊ ဝင်းအောင်၊ လေတီ၊ ခင်မိုးလွင်တို့ဆီက ပညာရပ်တွေရခဲ့ပါတယ်။ကျွန်တော်ဘဝမှာသူတို့နှင့်တွေ့ခြင်းကလည်း ဘဝရဲ့ဒုတိယကွေ့ ပြောင်းလဲမှုတစ်ရပ်ဖြစ်တဲ့အတွက်ဆရာမဒေါ်ရင်မေနှင့် သူငယ်ချင်းများကျေးဇူးကိုအမြဲအမှတ်ရလျက်ပါ။
နဝမတန်း၊ ဒသမတန်းမှာတော့ ကျွန်တော်တို့မြန်မာစာဆရာမတွေကပုသိမ်မြို့မှာနာမည်ကြီး သောဆရာမဒေါ်သိန်းခ၊ ဒေါ်သိန်းလှညီအစ်မနှစ်ယောက်ရဲ့ခက်ဆစ်၊ ကဗျာ၊လင်္ကာ၊ စကားပြေ၊ စာစီစာကုံး၊ သဒ္ဒါ၊ မြန်မာစာနှင့် ပတ်သက်၍ သိသင့်တတ်သင့်သော ဗဟုသုတများနှင့်မြန်မာစာ ကိုအကောင်းဆုံးသင်ခဲ့ရပါတယ်။ ဆရာမနှစ်ဦးရဲ့ကျေးဇူးကြီးမားလှပါတယ်။ ယနေ့ထက်တိုင်အထက် တန်းပြမြန်မာစာပေသင်ကြားရေးမှာ ထူးချွန်ရှားပါးသောဆရာမကြီးတွေပါ။ ကျွန်တော်ရေးသားသောစာလေးများအား ဆရာမဒေါ်သိန်းခနှင့် ဆရာမဒေါ်ရင်မေအား လူကြုံကောင်း ရှိတိုင်းပို့ပေးပါသည်။
ကျွန်တော်ပုသိမ်ရောက်တိုင်း ဆရာမဒေါ်သိန်းခအိမ်သို့ သွားရောက်ဂါဝရပြုကန်တော့ခဲ့ပါသည်။ ကျွန်တော်နောက်ဆုံးကန်တော့ရာတွင် ဆရာမကကျွန်တော့် ခေါင်းကိုကိုင်ပြီးပြောသော စကားမှာ“ဆရာမကျောက်ကောင်းတစ်ပွင့်ကို မွေးထုတ်နိုင်ခဲ့ပြီ”လို့ရင်ဖွင့်ခဲ့ပါတယ်။ဆရာမမျက်နှာ တစ်ခုလုံးမှာလည်း ကျေနပ်မှုပီတိများ၊ ပေါ်လွင်လျက်ရှိပြီး၊ ကျွန်တော်လည်းဆရာမနှင့်ထပ်တူမျှဝေခံစားခဲ့ရပြီး မျက်လုံးများဝေဝါးသွားသည်အထိ ဖြစ်ခဲ့ရပါသည်။
ကျွန်တော်လည်း ဆရာမကကျွန်တော့်အား စေတနာဆရာဝန်ကောင်းဖြစ်ရန်၊နောက်ဆရာ ဝန်စာရေးဆရာ ဘဝနှစ်ခုလုံးပိုင်ရှင်ကို သူသင်သော မြန်မာစာ၏ကျေးဇူးကြောင့် မွေးထုတ်လိုက်နိုင်သဖြင့် ဂုဏ်ယူပါသည်။ ဒီအတွက်ဆရာမနှစ်ယောက်စလုံးကို ကျေးဇူးတင်သတိရနေပါတယ်။
ဆေးတက္ကသိုလ်(၁) (ရန်ကုန်)ရောက်တော့လည်း ပါမောက္ခဌာနမှူးဆရာကြီးဦးအေးမောင်၊အခန်းပိုင်ဆရာမဒေါ်ခင်ဝင်းနှင့် တွေ့ရတော့အဆင့်မြင့်မြန်မာစာဘာသာရပ်ပညာတွင် သင်ကြားရသဖြင့် မြန်မာစာဌာနက ကျွန်တော့ကို စာရေးဆရာဆရာဝန်ဖြစ်အောင် တွန်းအားပေးခဲ့ပါသည်။
ယခုအထက်ပါအကြောင်းအရာသည် မြန်မာစာသည်ဘယ်လောက်အရေးပါသည်။ဘယ်လို တန်ဖိုးထားရှိပါသည်ကိုသိရ၍ယခုလိုနှစ်ဘဝပိုင်ရှင်ဖြစ်အောင်၊ ကျောက်ကောင်းတစ်ပွင့်၏မွေးဖွားရာသူငယ်တန်းမှ တက္ကသိုလ်အထိမြန်မာစာသင်ပြပေးသောဆရာများ၏ ကျေးဇူးကိုအထူးအမှတ်ရ လျက် ယခုဆောင်းပါးဖြင့်ကျေးဇူးဆပ်ပါသည်။
ဒေါက်တာမြင့်ဦး (ထွေကု-ထီလာ)
