မူကြိုပညာရေး
မူကြိုဆိုတာ မူလတန်းကျောင်းသားအဖြစ် မရောက်ခင်အကြိုကာလကိုဆိုလိုပါတယ်။ အခြေခံပညာမူလတန်းဆိုတဲ့ ကျောင်းစထားရမယ့်အသက်အရွယ်ကို တချို့နိုင်ငံတွေမှာကလေးအသက် ၅ နှစ်၊ တချို့က ၅ နှစ်ခွဲသတ်မှတ်ကြတာမို့ အဲဒီအသက်မရောက်ခင်အရွယ်ကို မူကြိုလိုပဲ ယေဘုယျအားဖြင့် သတ်မှတ်လေ့ရှိပါတယ်။
အခြေခံမူလတန်းပညာကို သင်မပေးခင်မှာ မူကြိုအရွယ်များအတွက်ပညာရေးဆိုတဲ့ဝေါဟာရ အင်္ဂလိပ်လိုတော့ Pre School Education ဆိုတာ ယခုခေတ်မှာပြောဆိုသုံးနှုန်းလာကြပါပြီ။
ဒီတော့ မူကြိုပညာရေးလို့ဆိုလိုက်လျှင် ၅နှစ်အရွယ်မရောက်ခင်၎နှစ်အရွယ်၊ ၃နှစ်အရွယ် စတဲ့ကလေးများအတွက် သင်ပေးနိုင်သောပညာရေးဟူ၍ သဘောပေါက်ကြရမှာဖြစ်ပါတယ်။
မူကြိုပညာရေးမှာ ဘာတွေသင်ရမလဲဆိုတဲ့ အကြောင်းကိုမသွားခင်ဘာကြောင့်မူကြိုပညာ ရေးဟာ အရေးကြီးသလဲဆိုတာ နိုင်ငံတကာပညာရေးပါရဂူတွေ ဆွေးနွေးပြောဆိုထားမှုများအ ကြောင်း တစ်ဖန်ပြန်လည် ဖောက်သည်ချလိုပါတယ်။
ပညာရေးကို မူကြိုကျောင်းခေါ်တဲ့နေရာတွေမှာ ကလေးကိုသွားရောက်အပ်နှံပြီးသင်ယူခိုင်းလေ့ရှိတာမို့ မူကြိုပညာရေးအတွက် သက်ဆိုင်ရာနိုင်ငံတော်အစိုးရက ဘယ်လိုတာဝန်ပေးထားသလဲဆိုတာလဲ သိသင့်ပါတယ်။
အသိသာဆုံး နမူနာပြုမယ့်နိုင်ငံကတော့ ထုံးစံအတိုင်း ပညာရေးပါရဂူတွေအများဆုံးပေါ်ထွက်ရာ နိုင်ငံတော်တစ်ခုဖြစ်သော အမေရိကန်ပြည်ထောင်စုပဲပေါ့။
အမေရိကန်ပြည်ထောင်စုမှာ ကလေးငယ်များရဲ့အစောဆုံးပညာရေးနဲ့ပတ်သက်တဲ့ခေါင်းစဉ် က ခေတ်စားပြီး ပြင်းပြင်းထန်ထန်ဆွေးနွေးနေကြရသော ခေါင်းစဉ်(Hot Topic)တစ်ခုဖြစ်နေပါပြီ။
ဘယ်သူတွေငြင်းခုန်ဆွေးနွေးနေကြသလဲဆိုရင်တော့ ကလေးမိဘတွေနဲ့မူဝါဒချမှတ်သူများ ဟုခေါ်သော အစိုးရပိုင်းကခေါင်းဆောင်များကြားမှာ ဆွေးနွေးနေကြတာဖြစ်ပါတယ်။
အမေရိကန်ပြည်ထောင်စုတွင် ၂၀၁၄-၂၀၁၅ခုနှစ်ဘဏ္ဍာရေးကဏ္ဍမှာ ပြည်နယ်ပေါင်း၅၁ခုရှိ တဲ့အနက် ၄၄ခုတွင် သူငယ်တန်းအကြိုပညာရေးအတွက် ကလေးရဲ့အသက် ၄နှစ်ကစပြီး ဘဏ္ဍာငွေသုံးစွဲကုန်ကျခံပေးရန် ဥပဒေပြုပြဋ္ဌာန်းခွင့်ပြုလိုက်ပြီ ဖြစ်ပါတယ်။
အသက် ၄နှစ်မတိုင်ခင်အရွယ်မှာတော့ မိဘအုပ်ထိန်းသူများကိုယ်တိုင်ကလေးပညာရေးကို အကုန်အကျခံရမယ်လို သတ်မှတ်ထားပါတယ်။
မိဘအများစုက မိမိတို့ရဲ့ကလေးမူကြိုကျောင်းမှာ ဘာတွေများသင်ပေးမှာမို့လို့၊သင်ရမှာမို့လို့ ယခုလိုနိုင်ငံတော်ကိုယ်၌က မူကြိုပညာရေးကိုပြဋ္ဌာန်းပေးရတာလဲဆိုပြီး စောဒကတက်ချင်ကြတယ်။သံသယဖြစ်ကြတယ်။ မူကြိုပညာသင်ကျောင်းမှာ မိမိတို့ရဲ့ကလေးများဘာတွေကို သင်ယူမှသူငယ် တန်းတက်ဖို့အဆင်သင့်ဖြစ်စေမှာလဲဆိုတာ သိချင်နေကြပါတယ်။
မြန်မာနိုင်ငံမှာလည်း အချို့သောမိဘများ၊ အထူးသဖြင့် မိဘအများစုဟာမူလတန်းကျောင်း မထားခင် မူကြိုကျောင်းမှာထားရမယ်ဆိုတဲ့ လုပ်ဆောင်မှုကို သဘောမတူကြတဲ့သူတွေရှိပါသေးတယ်။ ကလေးကငယ်သေးတယ်၊ စောသေးတယ်၊ ဦးနှောက်ကဖွံ့ဖြိုးသေးတာမဟုတ်ဘူး။ ၅နှစ် သို့မဟုတ်၆နှစ်မပြည့်သေးခင် လွတ်လွတ်လပ်ဆော့ကစားပါစေ။ စာတွေမသင်ပေးပါနဲ့ဦး၊ ငယ်ငယ် လေးနဲ့ သင်ပေးရင်ဦးနှောက်ဒဏ်ပိတ်သွားလိမ့်မယ်စသည်ဖြင့်တွေးပူပြီး၊ မူကြိုမထားချင်ကြပါဘူး။ တချို့ကလည်း စီးပွားရေးအခြေအနေနှင့် မအားမလပ်သည့်အခြေအနေများကြောင့်မူကြိုထားနိုင်တဲ့ အခြေအနေများကြောင့် မူကြိုထားနိုင်တဲ့အခြေအနေမှာမရှိကြပါဘူး။ မြို့ပြမိသားစုဝင်တွေထဲက ကလေးများသာ မူကြိုထားကြတဲ့ ဓလေ့ရှိနေကြတာ ဖြစ်ပါတယ်။
ဒါပေမဲ့ ပညာရေးပါရဂူကြီးများရဲ့ ဆုံးဖြတ်ချက်နှင့်အစိုးရကလည်းမူကြိုပညာရေးအတွက် အသက် ၄နှစ်ကနေ စတင်ထောက်ပံ့ပေးမယ်ဆိုတဲ့ ဆုံးဖြတ်ချက်မျိုးတွေချလာပြီဖြစ်တာကိုထောက် ခြင်းအားဖြင့် မူကြိုပညာရေးဆိုတာ ဂရုစိုက်ရမည့်၊ အလေးထားရမည့်ကိစ္စတစ်ခုအဖြစ်မှန်းဆနိုင်ကြပြီ ဖြစ်ပါတယ်။
မူကြိုကျောင်းမှာ ကလေးငယ်တွေ ဘာတွေလေ့လာသင်ယူနိုင်မလဲဆိုတာရှေ့တစ်ပတ်မှာ ဆွေးနွေးပေးသွားပါမယ်။
ဒေါက်တာ(ဆေး-မန်း)
