ဆရာကြီးများအသက်ရှည်လေလေ၊ပညာရေးအတွက် များများကျန်လေလေ
(၁)
“ညီလေး… ၁၆ရက် တနင်္ဂနွေနေ့မနက် ၉နာရီကြည့်မြင်တိုင် နတ်စင်လမ်းသာဓုကျောင်း တိုက်၊ ဓမ္မပါလ ကျောင်းမှာဆရာကြီး ဦးသန်းထွတ် အသက်၈၀ ပြည့်ပူဇော်ကန်တော့ပွဲရှိတယ်၊လာခဲ့ ကွာ၊ တပည့် ၄၊ ၅၊ ၁၀ ယောက်စုပြီး ကန်တော့တဲ့ပွဲလေးပါပဲ”
“ဆရာကြီး အသက် ၈၀ရှိသွားပြီနော်၊ အမြဲတွေ့နေကျမို့လားမသိဘူး၊ငယ်သေးတယ်ပဲထင် နေတာ၊ ဆက်ဆက်လာခဲ့ပါမယ်”
အစ်ကို မောင်ဒီပ (ပညာရေး)က ဖုန်းဆက်အကြောင်းကြားတာပါ။ ဆရာကြီးဦးသန်းထွတ်အိမ်ကို မကြာကြာရောက်ပါတယ်။ အသက်ကို တစ်ခါမှမေးမကြည့်ဖြစ်ဘူး။ ၇၀ကျော်ပဲထင်နေတာ။
၁၄ ရက်နေ့က အ.ထ.က(၁)ဒဂုံကျောင်းအုပ်ဆရာကြီးနဲ့ ဆရာကြီးဦးသန့်ထွတ်အိမ်ကိုရောက် ခဲ့သေးတယ်။
“၁၆ရက်နေ့ ဆရာကြီးရဲ့အသက်(၈၀)ပြည့်မွေးနေ့ ကန်တော့ပွဲကိုကျွန်တော်ဆက်ဆက်လာ ခဲ့ပါမယ်”
“တကူးတကမလာပါနဲ့ဗျာ။ မိုးတွေလေတွေနဲ့”တဲ့လေ။ ကိုယ့်ကြောင့်သူတစ်ပါးဝန်ထုပ်ဝန် ပိုးဖြစ်မှာကို စိုးရိမ်တတ်တဲ့ ဆရာကြီးပါ။ ဆရာကြီးအိမ်က ပြန်အလာမှာ အ.ထ.က(၁)ဒဂုံ ကျောင်း အုပ်ကြီးဦးအောင်ကိုကိုက ဆရာကြီးဦးသန်းထွတ်အကြောင်းကို မေးပါတယ်။ ပြည့်ပြည့်စုံစုံသိရအောင် အပြန်လမ်းတစ်လျှောက်ဆရာကြီး ဦးသန့်ထွတ်ရဲ့ကိုယ်ရေးအကျဉ်းကို ပြောပြမိပါတယ်။
(၂)
ဆရာကြီးဦးသန်းထွတ်ကို ဧရာဝတီတိုင်း၊ မော်လမြိုင်ကျွန်းမြို့တွင်အဘဦးသာဆင်၊ အမိ ဒေါ်ငွေဥတို့မှ ၂၈.၆.၁၉၃၅ တွင်မွေးဖွားခဲ့ပါတယ်။ မွေးချင်း ၅ယောက်အနက်တတိယသားပါ။
ငယ်စဉ်က မော်ကျွန်းမြို့ဆရာဦးစံရွှေ၊ ဆရာချစ်၊ ဆရာကြီးဦးဘတင်၊ဒေါ်စိန်ရင် စတဲ့အလွယ် ပညာသင်ကျောင်းတွေမှာ ပညာစတင်သင်ယူခဲ့ပါတယ်။ ၁၉၉၅ ခုနှစ်မှာမော်ကျွန်းအထက်တန်းကျောင်းမှ ၁၀ တန်းကိုအောင်မြင်ခဲ့ပါတယ်။ ၁၉၅၉ ခုနှစ်မှာ ဝိဇ္ဇာဘွဲ့ရရှိခဲ့ပြီး၊ မဟာပညာရေးဌာနမှာပညာရေးဒီပလိုမာ (D.T)သင်တန်းတက်ရောက်ခဲ့ပါတယ်။ မအူပင်မြို့အထက်တန်းကျောင်းမှာ အ ထက်တန်းပြဆရာအဖြစ်တစ်နှစ်အမှူထမ်းခဲ့တယ်။ ၁၉၆၂ ခုနှစ်မှာ ဘီအီးဒီ (ပညာရေး ဝိဇ္ဇာဘွဲ့) ရရှိပါတယ်။ ၁၉၇၈ခုနှစ်မှာမဟာပညာရေးဘွဲ့ (M.Ed)ကိုရရှိခဲ့ပြီး၊ ရေးသားပြုစုခဲ့တဲ့ဘွဲ့ယူကျမ်းခေါင်း စဉ်ကတော့ “မြန်မာနိုင်ငံ ဘုန်းတော်ကြီးကျောင်းပညာရေးသမိုင်း”ဖြစ်ပါတယ်။မြန်မာနိုင်ငံသုတေ သနအသင်းဆရာကြီးဦးဘ (ပညာမင်းကြီးမဟာသရေစည်သူဒေါက်တာဦးဘ) အထိမ်းအမှတ်အကောင်းဆုံး မဟာပညာရေးဘွဲ့ကျမ်းပြုဆုကို ဥက္ကဋ္ဌဦးထင်ကြီးက ချီးမြှင့်ခဲ့ပါတယ်။
၁၉၆၂ခုနှစ်မှာ အ.ထ.က ၂ မန္တလေး(အမျိုးသားကျောင်း)တွင် အထက်တန်းပြဆရာအဖြစ် လည်းကောင်း၊ ၁၉၆၄ ခုနှစ်မှာ မန္တလေးဆရာအတတ်သင်သိပ္ပံတွင် မြန်မာစာဌာန လက်ထောက်ကထိကအဖြစ်လည်းကောင်း၊ ၁၉၇၀ ခုနှစ်မှာရန်ကုန်ပညာရေး၊ တက္ကသိုလ်မြန်မာစာသင်ပြ နည်းဌာနတွင် လက်ထောက်ကထိကအဖြစ်လည်းကောင်း တာဝန်ထမ်းဆောင်ခဲ့တယ်။
၁၉၉၄ ခုနှစ်မှာ ပါမောက္ခရာထူးကိုတိုးမြှင့်တာဝန်ပေးခြင်းခံခဲ့ရပြီး၁၉၉၅ ခုနှစ်မှာ သက်ပြည့် အငြိမ်းစားရယူခဲ့ပါတယ်။ ပညာရေးတက္ကသိုလ်မှာ ဂုဏ်ထူးဆောင်ပါမောက္ခအဖြစ်ဆက်လက်တာဝန် ယူဆောင်ရွက်ခဲ့ပါတယ်။
ဆရာကြီးပါဝင်ဆောင်ရွက်ခဲ့တဲ့အဖွဲ့အစည်းတွေကတော့၊ မြန်မာနိုင်ငံစာတတ်မြောက်ရေးဗဟိုကော်မတီဝင်၊ သက်ကြီးစာပဒေသာပြုစုရေးဆပ်ကော်မတီ အတွင်းရေးမှူး၊ ပညာလောကစာ စောင်စာတည်းအဖွဲ့ဝင်၊ အခြေခံပညာမြန်မာစာသင်ရိုးအဖွဲ့ဝင်၊ နိုင်ငံတော်ပရိယတ္တိသာသနာ့ တက္က သိုလ်ဗဟိုအုပ်ချုပ်ရေးအဖွဲ့ဝင်၊ယဉ်ကျေးမှုတက္ကသိုလ်ပညာရေးအဖွဲ့ဝင်၊ မင်္ဂလာဗျူဟာအသင်းချုပ် အဖွဲ့ဝင်၊ စာပေနဲ့စာနယ်ဇင်းအဖွဲ့ဝင်၊ပညာတန်ဆောင်အုပ်ချုပ်ရေးအဖွဲ့ဝင် အဖြစ်ဆောင်ရွက်ခဲ့ သူပါ။
ဆရာကြီးဟာ ၁၉၅၉ခုနှစ်မှာ ဒေါ်ညွှန့်ညွှန့်နဲ့ အိမ်ထောင်ပြုခဲ့ပြီးသားသမီး ၆ဦးထွန်းကားခဲ့ ပါတယ်။
ဆရာကြီးရေးသားပြီးပုံနှိပ်ထုတ်ဝေခဲ့တဲ့ စာအုပ်ပေါင်း ၃၀ခန့်ရှိပြီးသုတေသနစာတမ်းများ ရေးသားခြင်း၊ ဖတ်ကြားခြင်း၊ အခါအားလျော်စွာစာပေဟောပြောပွဲများမှာဟောပြောခြင်းတို့ကိုဆောင် ရွက်လျက်ရှိပါတယ်။ တာဝန်တွေအသီးသီးဆောင်ရွက်ရင်းအသက်(၈၀)တောင်ပြည့်သွားပြီ။
၁၆.၈.၂၀၁၅ ရက်နေ့၊ ဓမ္မပါလကျောင်းဆောင်မှာ ဆရာကြီးဦးသန်းထွတ်ရဲ့အသက်(၈၀) ပြည့်ပူဇော်ပွဲအခမ်းအနားကျင်းပကြပါတယ်။
ဆရာကြီးတက္ကသိုလ် စိန်မြင့်ထွန်း၊ ဆရာကြီးဦးအောင်ကြည်၊ဆရာကြီးဦးကြည်သန်း၊ ဆရာ ကြီးဦးမြတ်ကျော်၊ ဆရာကြီးဦးငွေတိုး၊ ဆရာမကြီးဒေါ်တာမြင့်မြင့်စန်း၊ဆရာမကြီးဒေါ်တင့် တင့်ဝင်း၊ ဆရာမကြီးဒေါ်ယဉ်ယဉ်နွဲ့တို့လည်း ကန်တော့ပွဲကို တက်ရောက်ခဲ့ကြပါတယ်။တခြားလာ ရောက် ကန်တော့ကြသူများရဲ့အမည်ကိုတော့မသိပါ။ သိုက်သိုက်ဝန်းဝန်းတည်တည်ငြိမ်ငြိမ်နဲ့အေး ချမ်းမှုရှိတဲ့ ပူဇော်ကန်တော့ပွဲပါပဲ။ အခမ်းအနားမှူးအဖြစ်ဓမ္မပါလ ဖောင်ဒေးရှင်းရုံးအဖွဲ့မှူးကဆောင်ရွက်ပါတယ်။
ပထမဦးစွာ ဓမ္မပါလကျောင်းတိုက်ဆရာတော်အရှင် ပါကဋာလင်္ကာရကဩဝါဒစကားချီးမြှင့် ပါတယ်။
ဦးစိန်မြင့်ထွန်း (ဓမ္မပါလဖောင်ဒေးရှင်း)က ဥက္ကဋ္ဌဆရာကြီး၏ကိုယ်ရေးအတ္ထုပ္ပတ္တိကို ဖတ်ကြား ဂါရဝပြုပါတယ်။
မောင်ဒီပ(ပညာရေး)က ဆရာကြီးအားဂါရဝပြုဆုတောင်း မေတ္တာစကားပြောကြားပါတယ်။
ဆရာကြီးဦးအောင်ကြည်က ဆရာကြီးဦးသန်းထွတ်ရဲ့ နှစ်(၈၀)ပြည့်ဂါရဝအခမ်းအနားဖြစ် ပေါ်လာပုံ၊ ကျင်းပရပုံတို့ကို ရှင်းလင်းတင်ပြပါတယ်။
အစီအစဉ်အရဆရာကြီးအား ကန်တော့ပစ္စည်းများဖြင့် ကန်တော့ကြပြီးကန်တော့ချိုးဖြင့် ဂါရဝ ပြုကန်တော့ကြပါတယ်။
အဲဒီနောက် ဆရာကြီးကတပည့်တွေကို ဆုံးမဩဝါဒစကားချီးမြှင့်ပါတယ်။
ဆရာကြီးရဲ့ အထက်တန်းပြဆရာဘဝ၊ပညာရေးကောလိပ်ဆရာဘဝ၊ ပညာရေးတက္ကသိုလ် ဆရာဘဝမှာ သင်ကြားပြသပေးခဲ့ရတဲ့ ပညာရေး၊ တပည့်တွေရဲ့အရည်အသွေးနဲ့ဒီနေ့ခေတ်ပညာ ရေး၊ ဒီနေ့ခေတ် ကျောင်းသူကျောင်းသားတွေရဲ့အရည်အသွေးတွေကို ဥပမာများနဲ့နှိုင်းယှဉ်ပြသ ဆုံးမသွားပါတယ်။ ပညာရေးကောင်းစေချင်ရင်၊ ပညာရေးမှာတာဝန်ယူဆောင်ရွက်နေကြသူအားလုံးရဲ့သီလ၊ သမာဓိ၊ ပညာကောင်းဖို့လိုတယ်။အထူးသဖြင့် ဆရာတွေသီလကောင်းဖို့လိုတယ်။ သီလပျက်စီးခြင်းဟာ အရာရာပျက်စီးခြင်းရဲ့အစပဲလို့ထောက်ပြဆုံးမသွားခဲ့တာကိုဖြင့်မှတ်သား လိုက်နာကြရမှာဖြစ်ပါတယ်။ အဲဒီနေ့မှာဆရာကြီးကို ကန်တော့ခဲ့တဲ့ ကန်တော့ချိုးကိုအမှတ်တရ ဖော်ပြပါရစေ။
“စာပေဝတ္ထု၊ ရတုကဗျာ၊ပျို့၊ လင်္ကာနှင့်၊ သာသည့်သီချင်း၊ အဲစောင်းညှင်းကို၊ မကင်းမပြတ်၊ ဖတ်မှတ်တတ်အောင်၊တည့်မတ်သွန်သင်၊ ပဲ့ပြင်ဆုံးမဩဝါဒပေးခဲ့ပါသော ကျေးဇူးရှင်ဆရာကြီး ခင်ဗျား..၊ ပညာရေးတက္ကသိုလ်၊ကွန်းခိုနားပြီး၊ ငါးနှစ်ခရီးမှာ၊ အာစရိယဂုဏ်ရှိ၊ မေတ္တာအပြည့်ဖြင့်၊ သိသင့်၊ မှတ်သင့်ရေးသားသင့်သည့်၊ ထုံးတီးနည်းနာအဖြာဖြာကို၊ ဆရာစားမချန်၊ စေတနာမှန်ဖြင့်၊ သွန်သင်ပေးခဲ့ပါသောဆရာကြီးအား၊တပည့်များက၊ အမှတ်မထင်၊ ဆင်ခြင်ကင်းလွတ်၊ ချွတ်ယွင်း မှုဖြင့်၊ မနောကံအားဖြင့်လည်းကောင်း၊ဝစီကံအားဖြင့်လည်းကောင်း၊ ကာယကံအားဖြင့် လည်း ကောင်း ပြစ်မှားကျူးလွန်မိခဲ့သည်ရှိသော၊သနားငဲ့ညှာ၊ အကြင်နာဖြင့်ခွင့်လွှတ်ပေးနိုင်ပါရန်၊ သဒ္ဓါရို ကျိုး၊ လက်စုံမိုးလျက်ရှိခိုးတောင်းပန်အပ်ပါသည်။ဆရာကြီးလည်း ရောက်ပြီးအသက်ရှစ်ဆယ် အထက်ကို၊ နှစ်ပေါင်းများစွာ၊ ကျန်းမာစွာဖြင့်၊ စာပေအကျိုး၊လူမျိုးဘာသာ၊ သာသနာအကျိုး၊ ဆတက်တိုး၍ သယ်ပိုးဆောင်ရွက်နိုင်ပါစေကြောင်း၊ တပည့်အပေါင်းကဆုတောင်းမေတ္တာပို့သ အပ်ပါသည် ကျေးဇူးရှင်ဆရာကြီးခင်ဗျာ……”ကျွန်တော့်ရင်ထဲက ဖြစ်ပေါ်လာတဲ့ကန်တော့ချိုးနဲ့ဆရာကြီးကိုကန်တော့လိုက်ရတဲ့အတွက် ဝမ်းသာကြည်နူးမှုများစွာဖြစ်ခဲ့ရကြောင်းပါ။
(၃)
၁၇.၈.၂၀၁၅ ညနေမှာတော့ ဆရာကြီးကို ညစာစားပွဲနဲ့ထပ်မံဂုဏ်ပြုခဲ့ကြသေးတယ်။အဲဒီ ပွဲလေးကို အဓိကတာဝန်ယူကျင်းပပေးတဲ့သူနှစ်ဦးကတော့ စာရေးဆရာကောင်းသန့်နဲ့ ဆရာကြီးမောင်သိန်းလွင် (အင်္ဂလိပ်စာ)တို့ပဲ ဖြစ်ပါတယ်။ တက်ရောက်ဂုဏ်ပြုကြသူများကတော့ ဆရာကြီးဒေါက်တာခင်အေး၊ ဒေါက်တာခင်မောင်ညို၊ ဦးသိန်းလွင်(စာကြည့်တိုက်)၊ မောင်ဒီပ (ပညာရေး)၊ဒေါက်တာမျိုးတင့်နဲ့အခြား ဧည့်သည် သုံးဦးတို့လည်းတက်ရောက်ခဲ့ကြတယ်။ ဆရာကြီးက “ဆရာ့ထက်တပည့်လက်စောင်းထက်ရမယ်ကွ”လို့ပြောပါတယ်။ တပည့်တွေကဘယ်လောက်ပဲလက်စောင်းထက်ပါစေ၊ ဆရာကြီးတို့ရဲ့ သီလဂုဏ်၊ သမာဓိဂုဏ်၊ ပညာဂုဏ်တွေကိုမီနိုင်ဖို့ အများကြီးကြိုးစားကြရပါဦးမယ်ဆရာကြီးရယ်။ ။
အောင်ခိုင်မြင့်(ပညာရေး)
