ကမ္ဘာ့ဆရာများနေ့မှာဆရာတွေနဲ့စကားပြောဖြစ်တယ်
(၁)
“ဒီနေ့အခမ်းအနားကို ဆရာကြီးဦးသန်းဦးမလာဘူးလား”
“ဆရာကြီးက နေပြည်တော်မှာကျင်းပတဲ့ ကမ္ဘာ့ဆရာများနေ့အခမ်းအနားကို တက်ရပါတယ်”
“ဆရာကြီးက အသက် ၈၈ နှစ်ကျော်ပြီး၊ သွားနိုင်လာနိုင်၊ပြောနိုင် ဆုံးမနိုင်တုန်းပဲနော်”
“ဟုတ်ပါတယ်၊ ပညာရေးနဲ့ပတ်သက်လာရင် ဆရာကြီးရဲ့စိတ်ဓာတ်ကသံမဏိစိတ်ဓာတ်ပါ”
“ကျွန်မတို့တောင် နောင်နှစ်ဆိုရင် ပင်စင်ယူရတော့မယ်။ဆရာကြီးဦးသန်းဦးလို အသက်ရှည်ရှည်နဲ့ ကျန်းကျန်းမာမာနေရပါ့မလားမသိဘူး”
“အများအားဖြင့် ကျောင်းဆရာဆရာမတွေဟာ အသက်ရှည်ကြပါတယ်”
(၂)
အ.ထ.က(၄) အလုံမှာ ကျင်းပတဲ့ ရန်ကုန်တိုင်းဒေသကြီးကမ္ဘာ့ဆရာများနေ့ အခမ်းအနားကို တက်ရောက်ခဲ့ပါတယ်။ လုပ်ဖော်ကိုင်ဖက် ဆရာဆရာမတွေ၊ အငြိမ်းစားဆရာကြီးဆရာမကြီးတွေနဲ့လည်းတွေ့ ချင်ပါတယ်။ ကျွန်တော်ပင်စင်ယူပြီး ၄ နှစ် တာကာလအတွင်းမှာ လူဟောင်းတွေ သိပ်မကျန်ကြတော့ဘူး။အထက်တန်းကျောင်းအုပ်တွေကိုတောင် တော်တော်များများမသိတော့ဘူး။ လူသစ်တွေများလာတယ်။ ကျွန်တော်တာဝန်ထမ်းဆောင်စဉ်က အထက်တန်းပြဆရာဆရာမ တော်တော်များများဟာ အထက်တန်းကျောင်း အုပ်တွေ၊ဒု-မြို့နယ်ပညာရေးမှူးတွေ ဖြစ်နေကြပြီ။ သူတို့တွေကံကောင်းကြပါတယ်။ သူတို့ခောတ်သူတို့အခါမှာရာထူးတိုးရတာက မြန်တယ်။ အဆင့်တွေအများကြီး ခံမနေတော့ဘူး။
ဥပမာ-ကျွန်တော်တို့တွေခေတ်တုန်းကဆိုရင် အထက်တန်းပြရာထူးပြီးရင်အလယ်တန်းကျောင်းအုပ် ရာထူး၊ အလယ်တန်းကျောင်အုပ်ပြီးမှ အထက်တန်းကျောင်းအုပ်၊ အထက်တန်းကျောင်းအုပ်ကရာထူးတိုးမှ မြို့နယ်ပညာရေးမှူး၊ မြို့နယ်ပညာရေးမှူးက ရာထူးတိုးမှ ဦးစီးအရာရှိဖြစ်ခဲ့ကြရတာ။အထက်တန်းပြနဲ့ အလယ် တန်းကျောင်အုပ်က လစာအတူတူ။ ရာထူးတိုးတယ်လို့သာပြောတာ။ ဒီလိုနဲ့ပဲ ကျွန်တော်တို့ ဆရာဆရာမ ကြီးတွေ၊ ကျွန်တော်တို့တစ်တွေပျော်ပျော်ပိုက်ပိုက်၊ နှစ်နှစ်ခြိုက်ခြိုက် တာဝန်ထမ်းဆောင်ခဲ့ကြတယ်လေ။
အခုခေတ်မှာတော့အထက်တန်းပြဆရာကနေ အလယ်တန်းကျောင်အုပ်ရာထူး၊ ဒုမြို့နယ် ပညာရေး မှူးရာထူး၊ ဦးစီးအရာရှိရာထူးတွေတန်းပြီးဖြစ်ကြတာ။ ဝမ်းသာစရာပါ။ ပညာရေးဌာနက လူကြီးများရဲ့စေတနာ။ နိုင်ငံတော်ရဲ့ မေတ္တာပေါ့လေ။စနစ်ရဲ့မူဝါဒတွေနဲ့လည်းဆိုင်တာပေါ့။
“ ဆရာကြီး ကျွန်မကအခုဖောင်ကြီး အ.ထ.က မှာကျောင်းအုပ်ဖြစ်နေပြီ။ ဆရာကြီးတို့ကိုအတုယူပြီး ကြိုးစားဆောင်ရွက်နေပါတယ်”
“ ဆရာကြီး ကျွန်မကတွံတေးမြို့နယ်မှာ အထက်တန်းကျောင်းအုပ်ဖြစ်နေပြီ”
“ ဆရာကြီးကျွန်တော်ဦးစီးအရာရှိနဲ့ အရှေ့ပိုင်းခရိုင်မှာ ရောက်နေပါတယ်၊ ခရိုင်ရုံးမှာ အ.ထ.က သုဝဏ္ဏနဲ့ကပ်ရက်မှာရှိတယ်။ရောက်ရင်ဝင်ခဲ့ပါဦး”
“ဆရာကြီးကျွန်တော်ဦးစီးအရာရှိနဲ့ ဆရာကြီးတာဝန်ယူခဲ့တဲ့ မှုခင်းဌာနမှာပါ။ တိုင်းရုံးမှာပါ။ အခမ်းအနားပြီးရင် ဆရာကြီးနဲ့အမှတ်တရ ဓာတ်ပုံရိုက်ချင်ပါတယ်”
လွန်ခဲ့တဲ့၁၀ နှစ်၊ ၁၅ နှစ်က လုပ်ဖော်ကိုင်ဖက်တွေလာလာပြီးနှုတ်ဆက်ကြတော့ ဝမ်းသာပီတိဖြစ်ခဲ့ရ ပါတယ်။ကိုယ်ပင်စင်ယူပြီးတဲ့အထိ ကိုယ့်ကိုအသိအမှတ်ပြုအလေးထားနေကြတုန်းပဲဆိုတာ သိလိုက်ရတော့၊ ကိုယ့်ရဲ့စေတနာတွေ၊ မေတ္တာတွေ၊ လုပ်ရပ်တွေရဲ့ရောင်ပြန်ဟပ်မှုပုံရိပ်တွေပဲလို့ခံစားကြည်နူးမိခဲ့ရပါတယ်။
(၃)
ကမ္ဘာ့ဆရာများနေ့အခမ်းအနားမှာအစီအစဉ်တစ်ရပ်အနေနဲ့ စာစီစာကုံးပြိုင်ပွဲ၊ ကဗျာပြိုင်ပွဲ ဆုရကလေးတွေကို ရန်ကုန်တိုင်းဒေသကြီးဝန်ကြီးချုပ်၊ဝန်ကြီးချုပ်ကတော်နဲ့တိုင်းဒေသကြီး ပညာရေးမှူးရုံး ဒုတိယညွှန်ကြားရေးမှူးချုပ်တို့ကဆုချီးမြှင့်ပေးပါတယ်။
ဆုရတဲ့ကျောင်းသူကျောင်းသားတွေထဲမှာ အ.ထ.က(၂)ဒဂုံ(မြို့မ)၊ အ.ထ.က(၂)ကျောက်တန်း (သော်က)၊ အ.လ.ကကျောက်တန်း(မြို့မ)ကျောင်းကကလေးတွေဆုရတာကိုတွေ့လိုက်ရတယ်။ “ဩော်-ငါတာဝန်ထမ်းဆောင်ခဲ့တဲ့ ကျောင်းတွေကကလေးတွေ ဆုရကြပါလား” ဆိုပြီးလှိုက်လှိုက်လှဲလှဲ လက်ခုပ်တီးအားပေးခဲ့တယ်၊ ဆုရတဲ့ကလေးအားလုံးကိုလည်း ဝမ်းပမ်းတသာအားပေးခဲ့ပါတယ်။
ကိုယ်တာဝန်ထမ်းဆောင်ခဲ့တဲ့ ကျောင်းတွေကကျောင်းသူကျောင်းသားတွေဆိုတော့ ကိုယ်တပည့် တွေရဲ့ သားသမီးတွေဖြစ်မှာပါလို့လည်း တွေးကြည့်မိသေးတယ်။မြေးတပည့်ပေါ့လေ။
ထင်တဲ့အတိုင်းပါပဲ။ အခမ်းအနားပြီးလို့ခန်းမကပြန်အထွက် အပေါက်ဝမှာ ကျောက်တန်းကဆရာမ တွေနဲ့ တွေ့တော့တာပါပဲ။ ကျွန်တော့်ကိုစောင့်နေကြတာ။ဓာတ်ပုံအတူတွဲရိုက်ရအောင်လို့ပေါ့။ ဆုရကလေး တွေလည်းပါတယ်။ ဒါနဲ့ အခမ်းအနားစင်မြင့်ရှေ့ကိုသွားပြီးဓာတ်ပုံရိုက်ကြတယ်။ ကျွန်တော့်တပည့် မကြည် ကြည်ဝင်းတို့စုံတွဲကလည်း စောင့်နေတယ်။ ဆုရတဲ့သူ့သမီးနဲ့အတူဓာတ်ပုံရိုက်ရအောင်လို့။ တပည့်တွေ၊ မြေး တပည့်တွေနဲ့အတူ ကမ္ဘာ့ဆရာများနေ့ အမှတ်တရအဖြစ်မှတ်တမ်းဓာတ်ပုံတွေရိုက်ဖြစ်ခဲ့ကြတယ်။ ရန်ကုန် တိုင်းဒေသကြီး ပညာရေးမှူးရုံး(ယခင်အမှတ်(၃)အခြေခံပညာဦးစီးဌာန)ကဆရာဆရာမတွေနဲ့လည်း အမှတ် တရဓာတ်ပုံတွေ ရိုက်ခဲ့သေးတယ်။ ဆုံးမစကားတွေလည်း ပြောဖြစ်တယ်။
အတော့်ကိုကြည်နူးဝမ်းသာပီတိဖြစ်ခဲ့ရတယ်။
(၄)
အခမ်းအနားကျင်းပရာခန်းမကပြန်အထွက်မှာ(B.Ed-74) က ဆရာဦးစိုးမြင့် (မင်္ဂလာဒုံ) နဲ့တွေ့တယ်။
“ခင်ဗျားကိုစောင့်နေတာ တိုင်ပင်စရာရှိလို့”
“ဘာအကူအညီပေးရမလဲ”
“ကျွန်တော်ကိုယ်ပိုင်အထက်တန်း ကျောင်းထောင်ချင်တယ်၊ချမ်းသာပြီး ငွေကြေးတက်နိုင်တဲ့ ကျောင်း သားတွေကိုလည်း လက်ခံမယ်၊ ဆင်းရဲချို့တဲ့ပြီးစာတော်တဲ့ကလေးတွေကိုလည်း လက်ခံသင်ကြားမယ့် ကျောင်းအဖြစ် ထူထောင်ချင်တယ်”
“ရည်ရွယ်ချက်ကောင်းတယ်ဗျာ။ ခင်ဗျားမှာဓနအင်အားလည်းပြည့်စုံတယ်။ အသိုင်းအဝိုင်းအပေါင်း အသင်းလည်းကောင်းတယ်။ ပညာရေးအကြောင်းလည်းကောင်းကောင်းနားလည်တယ်။ မအောင်မြင်စရာမရှိ ဘူး လိုအပ်တဲ့အကြံဉာဏ်တွေနဲ့ ကူညီပါ့မယ်”
ပညာရေးကောင်းအောင် အစိုးရကိုချည်းအားကိုး၍မရပါ။လုပ်သားပြည်သူများ၊ မိတ်ဖက်အဖွဲ့အစည်း များ၊ ပုဂ္ဂလိကကဏ္ဍများကလည်း ဝိုင်းဝန်းဆောင်ရွက်ကြရမှာဖြစ်ပါတယ်။
(၅)
ကားပေါ်တက်ကာနီးမှာ ဆရာကြီးတစ်ယောက်လာပြီးနှုတ်ဆက်ပါတယ်။ “ ကိုယ်ရင်းနှီးတဲ့ဆရာကြီးမို့ ကျွန်တော်ယူဆချက်လေး နည်းနည်းပြောချင်တယ်။ကမ္ဘာ့ဆရာများနေ့အခမ်းအနားမှာ လူကြီးတွေက ချည်းပြောသွားတာဘဝင်မကျဘူး၊ လူကြီးတွေလည်းပြော၊ မူလတန်း၊ အလယ်တန်း၊ အထက်တန်း၊ တက္ကသိုလ်ကိုယ်စားပြု၊ကိုယ်စားလှယ်တွေလည်း ပြောခွင့်ပေးသင့်တယ်။ အပြုသဘောဆောင်တဲ့၊ ဆရာ့ဘဝ၊ ဆရာ့သိက္ခာတွေကိုဖော်ဆောင်တဲ့ အကြံဉာဏ်တွေပေးသင့်တယ်။ နားထောင်ရုံသက်သက် အခမ်းအနား တက်ရတာတော့အသက်မဝင်သလိုပဲ။ နေပြည်တော်အခမ်းအနားမှာ ဂုဏ်ပြုခံဆရာတွေ၊ ထူးချွန်ဆရာတွေကိုဂုဏ်ပြုချီးမြှင့်သလို တိုင်းဒေသကြီး၊ ပြည်နယ်အဆင့်၊ မြို့နယ်အဆင့်တွေမှာလည်း ချီးမြှင့်သင့်တယ်။ကျောင်း တွေမှာလည်း ကျောင်းအလိုက်ဂုဏ်ပြုသင့်တဲ့ဆရာတွေကို ဂုဏ်ပြုပွဲတွေလုပ်ပေးသင့်တယ်။လူ့အဖွဲ့အစည်း စဉ်ဆက်မပြက်တိုးတက်ရေးအတွက် ဆရာတွေရဲ့စွမ်းရည်ကို ဘယ်လိုမြှင့်တင်ပေးမလဲဆိုတဲ့လက်တွေ့ကျကျ နည်းလမ်းတွေ မဟာဗျူဟာတွေကို ဒီလိုအခမ်းအနားမျိုးကနေ ချမှတ်ပေးသင့်တယ်ဆရာကြီးရယ်”တဲ့၊ တာ ဝန်ရှိသူများသိရှိဆောင်ရွက်နိုင်ပါရန် ထပ်ဆင့်တင်ပြအပ်ပါတယ်ခင်ဗျား။
