ငပျင်းတို့အတွက် အင်္ဂလိပ်စာ
အင်္ဂလိပ်စာသည် ကမ္ဘာဘာသာစကားဖြစ်၏။အင်္ဂလိပ်စာတတ်လျှင် အလုပ်ကောင်းကောင်း ရနိုင်မည်။ အင်္ဂလိပ်လိုဖတ်မှတ်လေ့လာနိ်ုင်ပါက ပညာရပ်အတော်တော်များကို လေ့လာဖတ်ရှုနိုင် ည်။မြန်မာနိုင်ငံနှင့် အင်္ဂလန်တို့ မိုင်ပေါင်းထောင်ချီဝေးကွာသော်လည်း အင်္ဂလိပ်လိုကောင်းကောင်းပြော တတ်သူက မြန်မာနိုင်ငံတွင် လူတွင်ကျယ်လုပ်နိုင်၏။ မြန်မာနိုင်ငံတွင် အင်္ဂလိပ်စကားကျွမ်းကျွမ်း ကျင်ကျင်ပြောတတ်ပါက သူလိုသာမန်လူတန်းစားတစ်ဦးအတွက် ပိုမိုအဆင်ပြေချောမွေ့မည်ကို ကိုမျိုးကောင်းကောင်း သိပါ၏။ သို့သော် ခက်တာက သူက အင်္ဂလိပ်စာကို သင်တန်းတက်ဖို့ပျင်း သလို အင်္ဂလိပ်စာသင်တန်းကောင်းတွေအတွက် အကုန်အကျခံတက်စရာငွေကလည်း သိပ်မရှိ။
“ရန်ကုန်မှာတော် အင်္ဂလိပ်စာသင်တန်းတွေက အများကြီးပေါ့။ အမေရိကန်စင်တာတို့၊ ဘီစီ တို့မှာ နေးတစ်စပီကာနဲ့ သင်မလားရတယ်။ပြည်တွင်းက နာမည်ကြီး ထိပ်တန်းဆရာတွေရဲ့ သင် တန်းတွေ တက်မလား၊ ကြိုက်တာတက်လို့ရတယ်။ဒါပေမဲ့ ငွေလေ ငွေကရှိသေးတယ်။ သင်တန်း တွေက ကောင်းရင်ကောင်းသလို ဈေးသိပ်ကြီးတယ်။ တော်ရုံလူမကပ်နိုင်ပါဘူး”
နောက်တစ်ချက်က သူသည်စာသင်ခန်းပုံစံအချိန်မှန် အတန်းတက်စာသင်ရသည်ကို အင်မ တန်မှ ပျင်းရိသူဖြစ်၏။ တက္ကသိုလ်တက်စာသင်ရသည်ကိုအင်မတန်မှ ပျင်းရိသူဖြစ်၏။ တက္ကသိုလ် တက်တုန်းကဆို အရေးကြီးသော အတန်းချိန်များကို မနည်းဖျစ်ညှစ်တက်ခဲ့ရသူဖြစ်သည်။ ထို့ပြင် ကားများ အလွန်ကျပ်ညပ်ပိတ်ဆို့နေသော အခြေအနေမှာ ရန်ကုန်မြို့လယ်ကောင်ရှိနာမည်ကြီး အင်္ဂလိပ်စာသင်တန်းကို သူနေထိုင်ရာ မြောက်ဥက္ကလာပကနေ လနှင့်ချီသင်တန်း သွားတက်ဖို့ကလည်း အတော်စိတ်ပျက်စရာ ဖြစ်ပါသည်။ သို့သော်လည်း သူ့ဘဝတက်လမ်းအတွက် အင်္ဂလိပ်စာကား အရေးပါအရာရောက်တာကိုသိနေသဖြင့် အင်္ဂလိပ်စာကို သူ့နည်းသူ့ဟန်ဖြင့် ပေါက်ပေါက်မြောက် မြောက်လေ့လာသင်ယူဖို့သူကြိုးပမ်းခဲ့ပါသည်။
“ကျွန်တော့်သူငယ်ချင်းအတော်များများက အင်္ဂလိပ်စာကျွမ်းကျင်ချင်ကြတယ်။ ဒါပေမဲ့ သူ တို့က အမေရိကန်စင်တာလို ဘီစီလိုသင်တန်းမျိုးတွေ တက်ခွင့်ရမှ ပိုတက်လာမယ်ထင်ကြတယ်။ တကယ်တော့ အင်္ဂလိပ်စာတတ်ဖို့ ဒီသင်တန်းတွေချည်းပဲမဟုတ်ဘူးဗျ။ အင်္ဂလိပ်စာတတ်ဖို့ အ ရေးကြီးဆုံးကတော့ ကိုယ်ဘယ်လောက်ဒီဘာသာကို ရူးသွပ်သလဲ၊ဘယ်လောက်သိလိုစိတ်ပြင်း သလဲဆိုတဲ့စိတ်ကပဲ အဓိကကျတယ်။ သင်တန်းတွေကျောင်းတွေက အဓိကမကျဘူး”
ငပျင်းတို့ အင်္ဂလိပ်စာဟုခေါ်သည့် သူ့ဘာသာရယ်စရာပေးသည့် ကိုမျိုး၏ အင်္ဂလိပ်စာ လေ့ကျင့်သင်ကြားပုံက စိတ်ဝင်စားစရာကောင်းလှပါသည်။သူကပထမဆုံး သူ့ကိုယ်သူ အင်္ဂလိပ် စကား ပြောကြားသည့် ပတ်ဝန်းကျင်ထဲသို့ ငွေကုန်ကြေးကျမများဘဲရောက်အောင်လုပ်ယူသည်ဟု ဆိုပါသည်။
သူက အချိန်ရသည်နှင့်အင်္ဂလိပ်စာပေပေါင်းစုံကို ဖတ်ရှုသည်။ လမ်းဘေးတွင် ရောင်းချသော အင်္ဂလိပ်စာတန်းထိုး ရုပ်ရှင်များကိုတစ်ကားပြီး တစ်ကားအချိန်ယူကြည့်၏။ စကားပြောများ၊ အသုံး များ၊ လေယူလေသိမ်းများကို နားထောင်သည်။ထို့ပြင်အချိန်အားသည်နှင့် အင်္ဂလိပ်သီချင်းများကို တစ်ချိန်လုံးနားထောင်သည်။ လိုက်ဆိုသည်။စာသားများကို စိတ်ကူးထဲမှာ မှတ်မိနေအောင်လုပ် သည်။ သီးချင်းစာသားထဲက သဒ္ဒါတည်ဆောင်ပုံများကိုမှတ်သားအတုယူပါသည်။
“ဝှစ်တနီ ဟူစတန်ရဲ့I will always Love you ဆိုတဲ့ သီချင်းဆို ကျွန်တော်က ကြိုက်တော့ လိုက်ဆိုရင်းနဲ့ စာသားတွေအကုန်ရနေတယ်။ ဒီသီချင်းက အင်္ဂလိပ်စာ သဒ္ဒါပိုင်းအတွက်လည်း အကျိုးရှိတယ်။ ဒီသီချင်းမှာအကူကြိယာဖြစ်တဲ့ will က always ရဲ့ အမြဲအရှေ့မှာ ရှိနေမယ်ဆိုတာကို ကျွန်တော်က ပေါ့ပေါ့ပါးပါးသီချင်းဆိုရင်း မှတ်သားမိစေတယ်။ Out of the Blue စတဲ့ အီဒီ ယမ်သုံးအတော်များများကိုလည်းသီချင်းစာသားတွေလိုက်ဆိုလေ့လာရင်းနဲ့ ကျွန်တော်သိလာခဲ့တာ ပါ”
သူက သိပ်ရှက်ရွံ့တတ်သူမဟုတ်သဖြင့်မြို့ထဲမှာသွားရင်းလာရင်း နိုင်ငံခြားသားတွေကို ကူညီရင်းဖြင့် သူမှတ်မိသမျှအင်္ဂလိပ်စာဖြင့်ပြောဆိုလေ့ကျင့်သည်ဟုလည်း ဆိုပါသည်။ အင်္ဂလိပ် စာကို ကျောင်းစာကဲ့သို့ပညာရပ်တစ်ခုကြီးလိုသတိကြီးကြီးထား မပြောရဲဖြစ်နေမည့်အစား ကရင် လိုတစ်ခွန်းစ နှစ်ခွန်းစပြောရင်း ကရင်စကားတတ်သွားသလိုခပ်ရဲရဲ ပြောထွက်ဖို့လိုသည်ဟု ကိုမျိုးက အကြံပေးပါသည်။ မည်သို့ပင်ဖြစ်စေ ယခုအချိန်မှာရန်ကုန်မြို့က အနောက်နိုင်ငံသံရုံးကြီးတစ်ခုတွင် လုပ်နေသောသူ၏အင်္ဂလိပ်စာအရည်အချင်းကအခြားမြန်မာလူမျိုးများကြားမှာ သိသာပေါ်လွင်လှ သည်။ ထို့ကြောင့် ကိုမျိုး၏ ငပျင်းအင်္ဂလိပ်စာလေ့လာနည်းကအလုပ်ဖြစ်ခဲ့သည်ဟု ဆိုရပေမည်။
အင်္ဂလိပ်စာမှာ ပြောဆိုနားထောင်မှုအပြင်ဖတ်ရှုရေးသားနည်းစွမ်းရည်ကလည်း အရေးပါလှ ပါသည်။ မကြာသေးမီကမှ ပညာတော်သင်ဆု တစ်ခုဖြင့်အမေရိကန်နိုင်ငံသို့ရောက်လာသော မဥမ္မာ ကတော့ ရန်ကုန်မြို့ဗြိတိသျှကောင်စီ စာကြည့်တိုက်၏ ကျေးဇူးဖြင့် သူ၏အင်္ဂလိပ်စာစာဖတ်စွမ်းရည် တိုးတက်ပြောင်းလဲလာခဲ့သည်ဟု ဆိုပါသည်။ မဥမ္မာကလည်း ကိုမျိုးလိုပင် ဈေးကြီးလှသောအင်္ဂလိပ် စာသင်တန်းများကို မတက်ရောက်နိုင်ခဲ့ပါ။ သို့သော် ၂၀၀၆ ဝန်းကျင်က ဒေါ်လာ ၂၀ ပေးပြီးဗြိတိသျှကောင်စီစာကြည့်တိုက် အသင်းဝင်ပြီး စာအုပ်တွေ ငှားဖတ်နိုင်ခဲ့သည်ဟု ဆိုပါသည်။
“ဘီစီစာကြည့်တိုက်မှာ၂၀ ပေးပြီး အသင်းဝင်တော့ စာအုပ်ငှားခွင့်၊ အင်တာနက်သုံးခွင့် ရတယ်။”အင်္ဂလိပ်စာလေ့လာရေးစာအုပ်တွေတော့တွေ့ပါရဲ့။ ဒါပေမဲ့ စိတ်မဝင်စားတော့ ဖတ်လိုက် တိုင်းပျင်းပြီး အိပ်ငိုက်လာတယ်။ အဲဒီမှာဒိုင်ယာနာမင်းသမီးချားလ်စ်မင်းသားနဲ့ ကမီလာတို့ရဲ့ ဇာတ် လမ်းတွေကို ရေးထားတဲ့Diana’s her true story ဆိုတဲ့ စာအုပ်ကိုသွားတွေ့တယ်။ ကျွန်မက ဒိုင်ယာနာကိုသိပ်ကြိုက်တော့ဘာတွေများ ရေးသလဲဆိုပြီး ဖတ်ချလိုက်တာ တစ်ထိုင်တည်းနဲ့ စာအုပ်တစ်ဝက်ကုန်သည်အထိ ဖတ်ဖြစ်သွားပါရော”
ထိုအခါမှ အင်္ဂလိပ်စာကို စိတ်ဝင်တစားဖတ်ဖြစ်ဖို့ ကျောင်းစာအုပ်များကိုပဲဖတ်ရမည်ဆိုသည် ထက် ကိုယ်စိတ်ဝင်စားသော စာဖြင့် စာများများ ဖတ်ဖြစ်အောင်လုပ်ရမည်ဟု မဥမ္မာကသဘော ပေါက်လာသည်။ ထို့နောက် ရန်ကုန်မြို့ဗြိတိသျှကောင်စီစာကြည့်တိုက်က သူစိတ်ဝင်စားသောဗြိတိန် တော်ဝင် မိသားစု မင်းသား၊ မင်းသမီးများအကြောင်း ရေးသားသည့် Peopleမဂ္ဂဇင်းလို စာအုပ်များ ကိုသူကငှားပြီး ပုံမှန်ဖတ်ခဲ့သည်။ ဖရန်ကင်းစတိန်းလို ကြောက်စရာလျှို့ဝှက်သည်းဖိုစာအုပ်တွေကို လည်း သူကကြိုက်၏။ သူစိတ်ဝင်စားသော အရာဖြစ်သဖြင့် ကျောင်းစာဖတ်သလို မဟုတ်။စာတွေက သူ့ကိုလက်က မချချင်အောင်၊ ပိုဖတ်ချင်လာအောင် ဆွဲခေါ်သွား၏ သူ့ကိုယ်သူ မသိလိုက်ခင်မှာနာရီများစွာသူက အင်္ဂလိပ်စာဖြင့်ရေးထားသော စာမျိုးစုံကို ဖတ်ရှုဖြစ်ခဲ့သည်။ သူဖတ်ချင်သောအကြောင်းအရာများက မသိသောစကားလုံးများကို အဘိဓာန်လှန်ကြည့်ရာကနေ စကားလုံးအသစ် များစွာကိုသူက မှတ်မိသိရှိလာခဲ့သည်။
“နောက်၂နှစ်၊ သုံးနှစ်အကြာမှ ကျွန်မရဲ့ အင်္ဂလိပ်စာဖတ်နိုင်တာ နားလည်မှုက သူငယ်ချင်း တွေတောင်အံ့ဩယူရတယ်။ ဝေါဟာရတွေဆိုလည်း ကျွန်မက အများကြီးသိနေသလို ဖြစ်နေတယ်။ အမှန်တော့ ကျွန်မကကျောင်းသင်ရိုးစာအုပ်တွေလည်း ဖတ်တာ မဟုတ်ဘူးပေါ့။ ဒါပေမဲ့အင်္ဂလိပ် စာအုပ်တွေကိုတော့အများကြီးဖတ်ဖြစ်ခဲ့တာပေါ့”
အမေရိကန်နိုင်ငံခြားရေးဌာနနိုင်ငံခြားဘာသာလေ့လာရေးအဖွဲ့၏ သုတေသနပြုချက်များအရ မြန်မာဘာသာစကားသည် အင်္ဂလိပ်စကားပြောဆိုသူအမေရိကန်နှင့်ဗြိတိန်လူမျိုးများအတွက် သင်ယူ လေ့လာရမှာ ခက်ခဲမှု အဆင့်သုံးတွင်ရှိသော ဘာသာစကား ဖြစ်ပါသည်။ထိုင်းဘာသာကတော့ အဆင့်နှစ်မှာရှိပြီး တရုတ်ဘာသာကမူ အဆင့်လေးမှာ ရှိပါသည်။
မြန်မာလူမျိုးများအတွက်တော့အင်္ဂလိပ်စာသည် အဆင့်နှစ်မှာသာ ပါဝင်သော ဘာသာစကား တစ်ခုဖြစ်ပြီး သင်ယူရန်လွယ်ကူသော ဘာသာစကားထဲမှာပါဝင်ပါသည်။
သို့သော်လည်းမြန်မာနိုင်ငံတွင် အသက်(၅)နှစ်အရွယ် သူငယ်တန်းမှစပြီး ဘွဲ့ရသည်အထိ အင်္ဂလိပ်စာကို နှစ်များစွာသင်ယူခဲ့ရသော်လည်း မြန်မာနိုင်ငံက သာမန်ဘွဲ့ရတစ်ဦး၏ အင်္ဂလိပ်စာမှာ သိသာစွာ ထူးခြားကောင်းမွန်မနေပါ။အဓိကကတော့ သင်ကြားသည့်စနစ်ကွာခြားလှပြီး ထိရောက်မှု မရှိသည့်အတွက် ဖြစ်ပါသည်။
“ကျွန်မတို့ကျောင်းမှာတစ်နေ့ကို ငါးနာရီနဲ့ အမေရိကန်ကျောင်းသားတွေကို မြန်မာစာ သင်တယ်။ သုံးလကျော်ရင်ကောင်းကောင်းရေးနိုင်၊ ဖတ်နိုင်၊ ပြောနိုင်သွားပြီ။ သေချာသုံး သပ်ကြည့် တော့ ကျွန်မတို့ရဲ့ဘာသာစကားကို လေ့လာသင်ယူတဲ့စနစ်နဲ့ သူတို့ရဲ့စနစ်က အရမ်းကိုကွာခြား နေတယ်”ဟု အမေရိကန်နိုင်ငံဗာဂျီးနီးယားပြည်နယ်ဘာသာစကားသင်တန်းကျောင်းမှ မြန်မာစာ ဆရာမ ဒေါ်မေငြိမ်းက ပြောပါသည်။ များသောအားဖြင့် နိုင်ငံတကာဘာသာစကားကျောင်းများတွင် ဘာသာစကားကို သင်ယူသည့်နည်းမှာ ကျောင်းသားကို အခြေပြုသင်ကြားသည့်စနစ်ဖြစ်ပြီး ကျောင်း သားကို များများပြော၊ များများ လေ့ကျင့်ခိုင်းစေသည့် နည်းဖြစ်ပါသည်။ထို့ပြင် သူတို့က စာသင် ခန်းထဲမှာ ဝတ္တု၊ ရုပ်ရှင်၊ ဗီဒီယို စသော သင်ထောက်ကူပစ္စည်းများ၏အကူအညီကို များများ သုံးပြီး ကျောင်းသားကို လက်တွေ့စကားပြောနှင့်လည်း ရင်းနှီးစေ၏။ထိုနည်းဖြင့် အမေရိကန်-ဗီယက်နမ် စစ်ပွဲကာလမှာ အမေရိကန်လူမျိုးများကို ဗီယက်နမ်စကားသင်ပေးတာဗီယက်နမ် စစ်မြေပြင်သို့ စေလွှတ်ခဲ့သည်။
ဗီယက်နမ်စကားကိုကျင်ကျင်လည်လည် ပြောတတ်သော အဆိုပါ အမေရိကန်များမှာ ဘာသာစကားသင်ကြားချိန် တစ်နေ့ ၆ နာရီဖြင့်ခြောက်လသာ သင်ကြားလေ့ကျင့်ခဲ့ခြင်း ဖြစ်သည်။ ကိုမျိုးနှင့်မဥမ္မာတို့လို လူမျိုးများအင်္ဂလိပ်စာကိုကျွမ်းကျွမ်းကျင်ကျင် တတ်မြောက်လာခဲ့သည်ဆို သည်မှာလည်း စာသင်ခန်းကထက် လက်တွေ့ပေါင်းစပ်ကာကိုယ်ပိုင်အားထုတ်လေ့လာမှု ပိုများ သည့်အတွက် ဖြစ်ပါသည်။
များသောအားဖြင့်သူ့ပတ်ဝန်းကျင်က လူအတော်များများက ဘာသာစကားများကိုပေါ့ပေါ့ ပါးပါး မလေ့လာဘဲ ဘာသာရပ်ကြီးတစ်ခုလို ကျောင်းသင်ခန်းစာအဖြစ် သင်ယူမှ၊ သင်တန်းကောင်း ကောင်း အချိန်ပေးတတ်မှာ တတ်မြောက်မည်ဟု ထင်နေကြသည်ဟု ကိုမျိုးက ဆိုပါသည်။ ပြင်ပနယ်ပယ်မှာ ကိုယ်တတ်မြောက်ထားသည်ကိုလည်း လိုသလိုထုတ်သုံးဖို့လည်း မဝံ့မရဲ ဖြစ်နေတတ်ပါသည်။ ထို့ပြင် ကိုယ့်နည်းကိုယ့်ဟန်ဖြင့် လေ့လာလေ့ကျင့်ဖို့ကလည်း သူတို့မှာ ထိုအလေ့အကျင့်ကသိပ်မရှိ။
“ကျွန်တော်တို့လာလာ မေးကြတယ်။ ဒီလိုရာထူးရဖို့ အင်္ဂလိပ်စာဘယ်မှာတက်ခဲ့သလဲ။ ဘယ်မှာမှ မတက်ပါဘူး။ ကိုယ့်ဘာသာကိုယ်အင်္ဂလိပ်ရှင်ရှင်တွေကြည့်သီချင်းတွေ နားထောင်၊ ဝတ္တု ဖတ်ပြီး သည်လိုဖြစ်လာတာ ပြောရင်လည်းမယုံကြဘူး။ စိတ်ပါဗျာ။ ကိုယ်ကသာ တတ်ချင်စိတ်ရှိရင် သင်တန်းတွေ ဘာတွေမလိုပါဘူး။ ကျွန်တော်တို့ကအသက်ငါးနှစ်ကတည်းက အင်္ဂလိပ်စာနဲ့ ရင်းနှီး နေသူတွေပဲ”ဟု ကိုမျိုးက ပြောပါသည်။
ယခုလည်းသူက အားလပ်ချိန်များမှာ ပြင်သစ်ဘာသာစကားကို လေ့လာသင်ယူနေပါသည်။ ပြင်သစ်စာကို သင်တန်းလည်းတက်သလိုတစ်ဖက်ကလည်း သူ့နည်းသူ့ဟန် ငပျင်းနည်းနှင့်ပဲလေ့ လာသင်ယူနေသည်ဟု ဆိုပါသည်။
ထားထားမြင့်
